ශ්‍රී ලංකාවේ ඊළමක්‌ පිහිටුවීම සිහිනයක්‌
ඒත් ද්‍රවිඩ ප්‍රශ්න ගැන අවධානය යොමු කළ යුතුයි

තමිල්නාඩු මහ ඇමැති කරුණානිධි කියයි

ශ්‍රී ලංකාව තුළ ඊළාම් රාජ්‍යයක්‌ පිහිටුවීම තවදුරටත් යථාර්ථයක්‌ නොවන බව තමිල්නාඩු ප්‍රාන්ත මහ ඇමැති එම්. කරුණානිධි ප්‍රකාශ කර තිබේ. ඊළාම් රාජ්‍යයක්‌ පිහිටුවීම වෙනුවට ශ්‍රී ලංකාවේ ද්‍රවිඩ ජනතාව තම ජීවන අයිතිය, සමානාත්මතාවය, සමාන තත්ත්වය, භාෂා හා බලතල බෙදාහැරීම යන කරුණු පිළිබඳ අවධානය යොමු කළ යුතු බව ද තමිල්නාඩු මහ ඇමැතිවරයා කීවේය.

අදාළ කරුණු යථාර්ථයක්‌ වුවද ද්‍රවිඩ ඊළම එසේ නොවන බව ද ඔහු පවසා ඇත. ද්‍රවිඩ ජනතාවට හානිකරවීම නිසා සිංහල ජනතාවට එරෙහි යම් යම් ප්‍රකාශ කිරීමෙන් වළකින ලෙස කරුණානිධි තමිල්නාඩුවේ සෙසු පක්‍ෂවලින් ඉල්ලීමක්‌ ද කර තිබේ.

තමිල්නාඩුවේ ඒ. අයි. ඒ. ඩී. එම්. කේ. හා පී. එම්. කේ. යන පක්‍ෂ විසින් ශ්‍රී ලංකා ජනාධිපති මහින්ද රාජපක්‍ෂ මහතාට එරෙහිව යුද අපරාධ චෝදනා යටතේ ක්‍රියා කළ යුතු බවට කර ඇති ප්‍රකාශය සම්බන්ධයෙන් අදහස්‌ දක්‌වන තමිල්නාඩු මහ ඇමැතිවරයා එවැන්නක්‌ කරා යැමෙන් කරදර විඳීමට සිදුවනුයේ ශ්‍රී ලංකාවේ ද්‍රවිඩ ජනතාවටම බව අවධාරණය කර තිබේ.

 
Powered By -


         sWm`shQw up`lQ pRvw~pw~ sm`gm
            aAk 223 , b|lRm#n~dl~ p`r, @k`LB 13, XWY lAk`v