pRvw~

කළුගඟ ආශ්‍රිත මැණික්‌ ඉඩම් වෙන්දේසි කිරීමට
එරෙහිව උද්ඝෝෂණ ව්‍යාපාරයක්‌

 රත්නපුර - යූ. අසිත ඉන්දික වීරවර්ධන

රත්නපුර කහන්ගම ප්‍රදේශයේ කළු ගඟ ආශ්‍රිත මැණික්‌ සම්පත සහිත ඉඩම් ප්‍රසිද්ධ වෙන්දේසියේ විකිණීමට ජාතික මැණික්‌ හා ස්‌වර්ණාභරණ අධිකාරිය කටයුතු යොදා තිබීමට එරෙහිව ප්‍රදේශයේ පරිසර සංවිධාන හා සුළු මැණික්‌ ව්‍යාපාරිකයන් එක්‌ව උද්ඝෝෂණ ව්‍යාපාරයක්‌ දියත් කර තිබේ. මෙම උද්ඝෝෂණ ව්‍යාපාරය ඊයේ (02) රත්නපුර ඔරලෝසු කණුව ඉදිරිපිට දී පැවැත්විණි. මෙම වෙන්දේසි කිරීම ඊයේ (02 දා) පෙ. ව. 10.00 ට රත්නපුර ප්‍රාදේශීය කාර්යාලයේ දී සිදු කිරීමට නියමිතව තිබිණි. එහිදී රත්නපුර කහන්ගම කළු ගඟ ආශ්‍රිත මැණික්‌ නිධියේ බිම් කට්‌ටි 7 ක්‌ වෙන්දේසි කිරීමට කටයුතු යොදා තිබුණු බව වාර්තා විය.

කළුගඟ විකිණීම වහා නතර කරනු පිණිස මෙම උද්ඝෝෂණ ව්‍යාපාරය දියත් කළේ අනාගත පරපුර වෙනුවෙන් බව මෙම උද්ඝෝෂණ ව්‍යාපාරයේ ප්‍රධාන කැඳවුම්කරු වන වැසි වනාන්තර හා ස්‌වාභාවික සම්පත් සුරැකීමේ ජාතික ව්‍යාපාරයේ සභාපති පරිසර වේදී ප්‍රසාද් මංජුල මහතා පැවසීය. ඔහු වැඩිදුරටත් පෙන්වා දෙන්නේ කෝටිපති ව්‍යාපාරිකයන්ගේ උවමනාව මත සංස්‌ථාව ගෙන ඇති මෙම ක්‍රියා මාර්ගය හේතුවෙන් ප්‍රදේශයේ ජනතාව බරපතල ගැටලු රැසකට මුහුණ දීම වැළැක්‌විය නොහැකි බවය.

මෙම උද්ඝෝෂණ ව්‍යාපාරයට කහංගම ප්‍රදේශවාසීන් පරිසර සංවිධාන ඇතුළු සුළු මැණික්‌ ව්‍යාපාරිකයෝ රැසක්‌ සහභාගි වූහ.
 
 
Powered By -


         sWm`shQw up`lQ pRvw~pw~ sm`gm
            aAk 223 , b|lRm#n~dl~ p`r, @k`LB 13, XWY lAk`v