pRvw~

13 වැනි ව්‍යවස්‌ථා සංශෝධනය ගැන
රජයේ පක්‍ෂ අතර බරපතල ගැටුම් නැහැ
- ඇමැති අනුර ප්‍රියදර්ශන යාපා

 රනිල් ධර්මසේන

දහතුන් වැනි ව්‍යවස්‌ථා සංශෝධනය සම්බන්ධයෙන් ආණ්‌ඩුවේ පක්‍ෂ අතර බරපතල මත ගැටුම් නොමැති බව ඇමැති අනුර ප්‍රියදර්ශන යාපා මහතා පැවසීය.

සිය අදහස්‌ දැක්‌වීම පක්‍ෂ විසින් සිදු කර ඇති බව කී ඇමැතිවරයා වචන හෝ සිද්ධි හරඹවල රැඳී නොසිට ජාතික සමගියට ක්‍රියා කිරීම රජයේ අරමුණ යෑයි ද ඇමැතිවරයා කියා සිටියේය. ශ්‍රී ලාංකික අනන්‍යතාවක්‌ ඇති වන අපේම ක්‍රමවේදයක්‌ ඇති කළ යුතු බවට වූ ජනාධිපතිතුමාගේ මතයම සෙසු පක්‍ෂ ද අනුමත කරන බව කීය.

සියල්ලටම ප්‍රථමව එම ප්‍රදේශවල සංවර්ධන ක්‍රියාවලිය කඩිනම් කළ යුතු බවත් නැවත පදිංචි කිරීමේ කටයුතු වේගවත් කළ යුතු බවත් පැවසීය.

මෙහිදී මාධ්‍යවේදියකු නැඟූ ප්‍රශ්නයකට පිළිතුරු දුන් ඇමැතිවරයා නැවත පදිංචි කිරීම ගැන ලංකාවට ලෝකයටම උගන්වන්න පුළුවන් යෑයි ද සුනාමි ව්‍යසනයෙන් පසුව කඩිනමින් නිවාස හා අවශ්‍ය පහසුකම් ලබාදුන් බවත් මුතූර්වල අවතැන් වැසියන් කඩිනමින් පදිංචි කළ බවත් කීය.

ජනතා විමුක්‌ති පෙරමÏණ එක්‌රැස්‌ කළ භාණ්‌ඩ උතුරට ගෙන යැමට අවසර නොදෙන්නේ මන්දැයි නැඟූ ප්‍රශ්නයකට පිළිතුරු දුන් ඇමැතිවරයා පවතින වාතාවරණය යටතේ සියලු දෙනාටම භාණ්‌ඩ ගෙනයැමට ඉඩදීමට අසීරු යෑයි ද එA පිළිබඳ වැඩපිළිවෙළක්‌ ඇතැයි ද කීය.

ඊයේ (02 වැනිදා) පැවති සංවර්ධනය හා ප්‍රතිසංධානය පිළිබඳ සර්ව පාක්‍ෂික සමුළුවට සියලු පක්‍ෂ එක්‌වූ බවද පැරැණි දේ ගැන නොසිතා කඩිනමින් සංවර්ධන කටයුතු සිදු කර කිසියම් ස්‌ථිරසාර වැඩපිළිවෙළකට යායුතු බවට සියලු පක්‍ෂවල පොදු මතය වූ බවද ඇමැති අනුර යාපා මහතා කියා සිටියේය.
 
 
Powered By -


         sWm`shQw up`lQ pRvw~pw~ sm`gm
            aAk 223 , b|lRm#n~dl~ p`r, @k`LB 13, XWY lAk`v