ලංකාව යුද අධිකරණයට ගෙන යැමේ අරමුණින් කළ
"චැනල් 4" කුමන්ත්‍රණයට එරික්‌ සෝල්හයිම් හවුල්!


කීර්ති වර්ණකුලසූරිය සහ නෝමන් පලිහවඩන

චැනල් 4 රූපවාහිනිය මගින් විකාශය කළ ශ්‍රී ලංකා හමුදාව අපකීර්තියට පත් කරන ආකාරයේa වැඩසටහන පිළිබඳව අදාළ නාලිකාවෙන් කරුණු විමසන ලෙස ශ්‍රී ලංකා රජය එක්‌සත් ජාතීන්ගේ සංවිධානයෙන් සහ එංගලන්ත පුවත්පත් මණ්‌ඩලයෙන් ඉල්ලා ඇතැයි රාජ්‍ය ආරක්‍ෂක ලේකම් ගෝඨාභය රාජපක්‍ෂ මහතා "දිවයින ඉරිදා සංග්‍රහය" ට පැවසීය.

ශ්‍රී ලංකා හමුදාව විසින් ද්‍රවිඩ ජනතාව ඝාතනය කරන බවට ජාත්‍යන්තර අධිකරණය වෙත ඒත්තුගැන්වීමේ අරමුණින් සකස්‌ කළ එම වීඩියෝ පටය ඇමරිකාවේ කොටි ඒජන්ත රුද්රකුමාරන් සහ ජර්මනියේ ඡේ. ඩී. එස්‌. නැමති සිංහල කොටි හිතවාදී සංවිධානය එක්‌ව දියත් කළ රහසිගත කුමන්ත්‍රණයක්‌ යෑයි ශ්‍රී ලංකා රජය සොයාගෙන ඇත.

මේ බව තවදුරටත් තහවුරු වී ඇත්තේ තමන් මෙකී කණ්‌ඩායම සමඟ එක්‌ව ශ්‍රී ලංකා රජය යුද්ධාධිකරණය වෙත ගෙන ඒමට ක්‍රියා කරන බව රුද්රකුමාරන් විසින් ඊළාම් ප්‍රජාවට හෙළි කිරීමයි. මෙම ඡේ. ඩී. එස්‌. කණ්‌ඩායම පසුගිය මාසයේදී ජර්මනියට පැමිණ රුද්රකුමාරන් හමුවී රහස්‌ සාකච්ඡාවක්‌ පවත්වා තිබේ. මේ වීඩියෝපටය සඳහා රුද්රකුමාරන් අති විශාල මුදල් සම්භාරයක්‌ එකී කණ්‌ඩායමට ලබාදී ඇතැයි වාර්තා වේ. මේ රහසිගත කුමන්ත්‍රණයේ තවත් කොටස්‌කරුවකු වී ඇත්තේ නෝවීජියානු අමාත්‍ය එරික්‌ සෝල්හයිම් යෑයිද හෙළිවී ඇත.

මෙකී සාවද්‍ය වීඩියෝ පටය සෝල්හයිම් වෙතද ලැබීමෙන් පසු ශ්‍රීලංකා හමුදා නායකත්වය අත්අඩංගුවට ගත හැකි බව ඔහු ප්‍රකාශ කර තිබේ.

මෙකී කුමන්ත්‍රණයට අනුව එකී වීඩියෝපට නීතිවිරෝධී ඝාතන ගැන විමර්ශනය කෙරෙන එක්‌සත් ජාතීන්ගේ විශේෂ නියෝජිත පිලිප් ඇල්ස්‌ටන් වෙතද ඉදිරිපත් කර ඇතැයි රජය වෙත හෙළි වී ඇත.

ශ්‍රී ලංකාවේ මුළු හමුදා නායකත්වය අවමානයට ලක්‌ කිරීමේ කුමන්ත්‍රණකරුවන් කණ්‌ඩායම දැන් හෙළිවුණා යෑයි ජ්‍යෙෂ්ඨ බුද්ධි අංශ නිලධාරියෙක්‌ පැවසීය.

 
Powered By -


         sWm`shQw up`lQ pRvw~pw~ sm`gm
            aAk 223 , b|lRm#n~dl~ p`r, @k`LB 13, XWY lAk`v