සුළඟටත් දුවන බාල පොම්පයෙන්
ඉන්ධන පාරිභෝගිකයන්ට පාඩු පිට පාඩු

 ශිරාන් රණසිංහ

චීනයෙන් ආනයනය කර ඉන්ධනහල්වල සවිකර තිබෙන ෂන්කේ නමැති බාල වර්ගයේ පොම්පයේ මීටරය සුළඟටත් ක්‍රියාකරන බැවින් ඉන්ධන මිලදී ගනු ලබන පාරිභෝගිකයන්ට විශාල පාඩුවක්‌ විඳීමට සිදුවී ඇතැයි තෙල් බෙදුම්කරුවෝ පවසති.

ෂන්කේ නමැති මෙම පොම්ප 630ක්‌ මෙරටට ගෙන්වා තිබෙන බවත් රුපියල් ලක්‍ෂ හතරේ සිට ලක්‍ෂ හත දක්‌වා වූ මිල ගණන්වලට මිලදී ගෙන ඇති ඒවා බාල වර්ගයේ පොම්ප බවටත් හෙළි වී ඇත.

මෙම පොම්ප සවි කර තිබෙන ඉන්ධනහල්වලින් ඉන්ධන මිලදී ගන්නා පාරිභෝගිකයන්ගෙන් ලැබෙන පැමිණිලි වැඩි වී තිබෙන බවද ඉන්ධන පිරවුම්හල් හිමියෝ පවසති.

පොම්ප මිලදී ගැනීමට ටෙන්ඩර් කැඳවුවද අඩු මිල ගණන් සහිත ප්‍රමිතියෙන් හොඳ පොම්ප මිලදී නොගෙන ෂන්කේ නමැති පොම්පය ඇමැතිවරයකුගේ පුත්‍රයකුගේ උවමනාව මත මිලදී ගෙන ඇතැයි ලංකා ඛනිජ තෙල් සංස්‌ථා නිලධාරීහු පවසති.

මෙම පොම්ප මිලදී ගැනීමේදී එක්‌කෝටි හතළිස්‌ ලක්‍ෂයක කොමිස්‌ මුදලක්‌ද අදාළ ඇමැති පුත්‍රයාට ලැබී ඇතැයි ඔවුහු කියති.
 
Powered By -


         sWm`shQw up`lQ pRvw~pw~ sm`gm
            aAk 223 , b|lRm#n~dl~ p`r, @k`LB 13, XWY lAk`v