පැහැරගත් නැව් දෙකේ ශ්‍රී ලාංකික 10 ක්‌

කීර්ති වර්ණකුලසූරිය

සෝමාලියා මුහුදු කොල්ලකරුවන් විසින් පැහැරගත් නැව් දෙකේ ශ්‍රී ලාංකිකයන් දසදෙනෙක්‌ සිටින බව අනාවරණය වී ඇත.

සිෂෙල්ස්‌ දූපත අසල මුහුදේ යාත්‍රා කරමින් තිබූ කොටාවාප්ට්‌ සහ චැරේඩ් යන නැව්වල මෙම ශ්‍රී ලාංකිකයන් සිටි බව ඊයේ (02 වැනිදා) මෙරටට ලත් වාර්තාවල සඳහන් වේ.

මෙලෙස සෝමාලි Êයානු මුහුදු කොල්ලකරුවන්ගේ ප්‍රාණ ඇපකරුවන් ලෙස සිටින ශ්‍රී ලාංකිකයන් ගෙන් තිදෙනකු කේ. එච්. ප්‍රනාන්දු, එස්‌. ගෞතමදාස සහ ඒ. නසීර් යෑයි හෙළිවී ඇත.

මේ පිරිස්‌ බේරාගැනීම සඳහා එකී නෞකා සමාගම් ක්‍රියාකරන බව මෙරටට ලත් වාර්තාවල දැක්‌වේ.