මාතර බෝධිය අසලදී
ත්‍රිරෝද රථයක්‌ සොරකම් කළ 15 හැවිරිදි දරුවෙක්‌ අත්අඩංගුවට

මාතර - චJද්‍රදාස කොඩිතුවක්‌කු

මාතර ඓතිහාසික බෝධි රාජයා අසල නවතා තිබූ ත්‍රීවීල් රථයක්‌ සොරාගෙන යැමට උත්සාහ කළ 15 හැවිරිදි දරුවකු මාතර පොලිසියේ අපරාධ අංශයේ ස්‌ථානාධිපති උ.පො.ප. අනිල් කුමාර මහතා ඇතුළු නිලධාරීන් විසින් සැකපිට අත්අඩංගුවට ගෙන ඇත.

මෙම දරුවා පරිවාස භාරයෙන් පැන ආ අයකු බවට පොලිසිය පවසයි.

සැකකරු විසින් නවතා තිබූ ත්‍රීවීල් රථයට නැග එහි ටයර් ගලවා රථය අනුරාධපුරයට ගෙන යැමට සැලසුම් කළ බවට ප්‍රශ්න කිරීමේදී හෙළි විය.

ඒ අසල ත්‍රීවීල් රථගාලේ සිටි කීපදෙනෙක්‌ මෙම සිද්ධිය දැක පොලිසියට දැනුම්දී ඇත. මුදල් නොමැතිකම නිසා මෙසේ ත්‍රීවීල් රථය සොරකම් කිරීමට සූදානම් වූ බවට සැකකරු පවසා ඇත.

සැකකරු මාතර අතිරේක මහෙස්‌ත්‍රාත් ලසිත් චමත් මදනායක මහතා වෙත ඉදිරිපත් කිරීමෙන් පසු මෙම මස 9 දක්‌වා රිමාන්ඩ් භාරයට පත් කොට ඇත. පො.කො. 45635 රනිල්, 55870 පො.සැ. ෂෙල්ටන් යන මහත්වරුන් පරීක්‍ෂණ පැවැත් වූහ.