ආසියානු කුසලාන කාන්තා හොකී
ශ්‍රී ලංකාව  "සැරටම" පරදී

අනුරුද්ධ හේරත් බණ්‌ඩාර

රටවල් 11 ක සහභාගිත්වයෙන් තායිලන්තයේ බැංකොක්‌ හී දැන් ක්‍රියාත්මක සත් වැනි ආසියානු කුසලාන කාන්තා හොකී තරගාවලිය නියෝජනය කරන ශ්‍රී ලංකා පිල මුහුණු දුන් දෙවැනි තරගය පෙරේදා (31 දා) පැවැති අතර එහිදී ජපානය හමුවේ ගෝල් 20-00 ක පරාජයක්‌ අත්විඳීමට සිදු විය.

(තරගයේ පළමු භාගය නිමාවන විට ගෝල් තත්ත්වය 10-00 ක්‌ ලෙස සටහන් විය. මෙම තරගය ආරම්භයේ සිටම ප්‍රබල ආක්‍රමණශීලී ක්‍රීඩා රටාවක නිරත වූ ජපානය කිසිදු අභියෝගයකින් තොරව ජයග්‍රහණය වාර්තා කළේය.

මෙවර තරගාවලියට අවතීර්ණ වෙමින් ඉකුත් 29 දා (බ්‍රහස්‌පතින්දා) කොරියාව සමග තරග වැදුණු අතර එහිදී ගෝල් 17-00 ක පරාජයක්‌ ලැබීමට ශ්‍රී ලංකා පිලට සිදුවිය.

මේ වනවිට ජපානය, කොරියාව "බී" කණ්‌ඩායමෙන්ද චීනය සහ ඉන්දියාව "ඒ" කණ්‌ඩායමෙන්ද පෙරමුණේ පසුවේ.