ලොව ප්‍රථම රක්‍ෂණය කරන ලද
නෞකාව පැදවූ විහාර මහා දේවිය


රක්‍ෂණ ක්‍රමය ලොවට පළමුවෙන් ම හඳුන්වා දුන්නේ ක්‍රි. පූ. 2 වැනි සියවසේ ජීවත් වූ කැලණිතිස්‌ස මහ රජතුමා ය. එතුමා විසින් රක්‍ෂණය කරන ලද පළමු නැව පැදවූයේ එතුමාගේ ආදරණීය දියණිය වන දේවි කුමරියයි. එහෙත් කිසිම ඉතිහාසඥයකුට අද වනතුරු එය තේරුම් ගැනීමට බැරිවිය. බැරි වූවාටත් වඩා තේරුම් ගැනීමට උත්සාහ නොකිරීමයි ඔවුන්ගේ වැරැද්ද. එය සිංහල ජාතියේ අවාසනාවකි.

කැලණිතිස්‌ස රජුගේ මේ වැදගත් කාර්යය තේරුම් නොගත්තවුන් දේව කෝපයක්‌ මවා, සුනාමියකුත් මවා දේවි කුමරිය බිල්ලටත් දී ඇත. දෙවියන් කෝප වූයේ මහ රහතන් වහන්සේ නමක්‌ අපවත් කළ හෙයින් ය. එසේ නම් ඒ බෞද්ධ දෙවිවරුන් විය හැක. එහෙත් වරද කළ මහ රජු සිටිද්දීත් මහරජ එවැනි ක්‍රියාවකට පෙළඹීමට හැකි වාතාවරණය සැපයූ රජ බිසවත් පැත්තක සිටිද්දී දෙවියන් බිල්ලට ඉල්ලුවේ අහිංසක දේවි කුමරියයි. මේ අවනඩුව දෙයියන්ටම ඔප්පු වෙච්චාවේ.

තම මවගේ අයථා ප්‍රේමය නිසා තම ආදරණීය පියා අතින් පංචානන්තරීය පාප කර්මයක්‌ වූ බව දොළොස්‌වැනි වියේ පසු වුවත් (රසවාහිනියට අනුව) දේවි කු==මරියට තේරුම් ගියේය. තම මව සමඟ තවත් මාලිගයේ විසීම ඇය ප්‍රතික්‍ෂේප කළාය. මේ කාලය වන විට එතුමිය තම පියා වෙතින් සමුද්‍ර ගවේෂණය ද සටන් කලාව ද ඉගෙන ගෙන තිබුණාය. (මැදි වියෑති දුටුගැමුණු රජතුමා පසු කාලයක එළාර හා සටනට යද්දී සැට වියත් ඉක්‌මවා සිටි මහලු විහාරමහා දේවිය රැගෙන ගියෙත් එතුමිය තුළ තිබූ මේ සටන් කෞෂල්‍ය නිසාය. එතුමිය යුද්ධ උපක්‍රම ගැමුණු පුතුට කියා දුන් බව වංස කතාවල දැක්‌වේ.)

කැලණි රාජධානියට අයත්ව ඉතා හොඳ වරායක්‌ තිබිණි. බොහෝ ඈත අතීතයේ සිට ම මෙහි ජාත්‍යන්තර වෙළෙ¹ම පැවැති බව දැන් තහවුරු වී ඇත. මෙකල මේ වෙළෙ¹ම අධීක්‍ෂණය කරන ලද්දේ රටේ රජු විය යුතුය. එතුමා ඒ සඳහා නිතර මුහුදු ගමන්වල ද යෙදෙන්නට ඇත. රජතුමා මේ ගමන්වලට තම ආදරණීය දියණියන් ද සහභාගි කරවා ගන්නට ඇත. ඒ කවදා හෝ තම රාජ්‍යයේ උරුමක්‌කාරිය ඇය වනු ඇතැයි එතුමා තීරණය කර තිබූ නිසා විය යුතුය. ඇත්ත වශයෙන් ම කැලණිතිස්‌ස රජුගේ මේ මුහුදු ගමන් නිසා ම රජ බිසවට, රජුගේ මල්ලී උත්තිය කුමරු සමඟ අයථා සම්බන්ධයක්‌ ගොඩනගා ගැනීමට අවස්‌ථාව පෑදෙන්නටත් ඇත.

රජ ගෙදර මේ අලකලංචිය වරක්‌ රජුට හසුවිය. ඒ අවස්‌ථාවේ උත්තිය කුමරු පලා ගියේය. එහෙත් රජතුමා තම දේවියට කිසිම දඬුවමක්‌ නුදුන් බව පැහැදිලි වන්නේ එදා මහ රහතන් වහන්සේ දානයට වැඩිය දිනයේදීත් ඇය නිරුපද්‍රිතව එයට සහභාගි වූ හෙයිනි. (මෙය සාමාන්‍ය පිරිමි ස්‌වභාවයයි. බිරියන්ගේ අනියම් පෙම ඉදිරියේ තම ආත්ම අභිමානයට කැළලක්‌ වේ යෑයි සිතන පිරිමි බොහෝ විට පවසන්නේ පර පුරුෂයා තම බිරිය පොළඹවා ගන්නට උත්සාහ කළ බවයි.)

රජ ගෙදරින් පලා ගිය උත්තිය කුමරා අවස්‌ථාවක්‌ බලා, රජ ගෙදරට කැලණිතිස්‌ස මහ රහතන් වහන්සේ දනට වඩින විට සිවුරු පොරවා ගත් වෙනත් අයකුගේ අත දේවියට ලැබෙන්නට පෙම් හසුනක්‌ එව්වේය. මේ හසුනේ අත් අකුරු මහ රහතන් වහන්සේගේ අත් අකුරු බවට රජු හඳුනාගත්තේය.

මෙයින් ගම්‍ය වන්නේ කුමක්‌ද? එදා රජදරුවන් අධ්‍යාපනය ලබා ඇත්තේ පන්සල්වලිනි. උත්තිය කුමරා ඉගෙන ගෙත තිබුණේ මහ රහතන් වහන්සේගෙනි. ඒ නිසයි ඔහුට රහතන් වහන්සේගේ අත් අකුරුවලට සමානව ලිවීමට හැකි වූයේ. මේ අකුරු උන්වහන්සේගේ යෑයි වරදවා වටහා ගැනීම තුළින් ම රජු ද අධ්‍යාපනය ලබා තිබුණේ උන්වහන්සේගෙන් බව පැහැදිලිය. (සමහර විට මේ රජ දරුවන් දෙදෙනා මෙසේ අධ්‍යාපනය ලබන්නට ඇත්තේ උන්වහන්සේ රහත් භාවයට පැමිණීමට පෙර විය හැක.)

වඩාම වැදගත් දෙයක්‌ ඉතිහාසඥයෝ මතුවන්නට නොදී සඟවා ගෙන සිටියහ. ඒ මේ හොර ලියුම උත්තිය කුමරු එවන්නේ රජ බිසවට ය. එසේ නම් රජ බිසවට ද එය කියවා ගැනීමට සාක්‍ෂරතාව තිබිය යුතුය. ඇය අධ්‍යාපනය ලැබුවේ පන්සලින්ම විය යුතුය. ලිපිය හසුවීමෙන් පසු රජතුමා මහා රහතන් වහන්සේ උණු තෙල් කටාරමක දමා අපවත් කිරීමට අණ කරනු ලැබේ. සමහරකෙ=ගේ මතයක්‌ වන්නේ රජ බිසව මුහුදට තල්ලු කර දැමූ බවකි. රජු එසේ කළා නම් දේවි කුමරිය මුහුදට බිලි දීමේ අවශ්‍යතාවක්‌ මතු නොවේ. හේතුව රජ බිසවටත් ඇත්තේ රාජකීය ලේ ය. දෙවියන්ට දේවි කුමරිය බිලි කරන්නට නෛමිත්තකයන් පැවසුවේ රාජකීය ලේ තිබෙන කෙනෙකු මේ කෝප වී සිටින බෞද්ධ දෙවිවරුන්ට අවශ්‍ය වූ නිසා ය. අනිත් අතට මේ වතාවේ නම් රජු ඇත්තට වරදවා වටහා ගත්තේ රහතන් වහන්සේ තම දේවිය රවටා ගන්නට උත්සාහ කරනවා කියා ය. එම නිසා රජ බිසව නිරුපද්‍රිතව රජ ගෙදර සිටි බවට අපට නිගමනය කිරීමට සිදු වේ.

එහෙත් දේවි දුව පියා සේ මෝහයෙන් මුළා නොවන්නේ ඇය ස්‌ත්‍රී ලිංගික නිසා ය. මේ නිසාම මව ගැන කළකිරීමට පත්වන කුමරිය තවදුරටත් මව සමඟ මේ මාලිගයේ එකට ජීවත්වීම ප්‍රතික්‍ෂේප කළ හෙයින් තමාගේ නික්‌ම යැම පිය රජුට දන්වන්නට ඇත. දියණියගේ හිතුවක්‌කාර ගතිය පියා හොඳින් හැඳිනගෙන තිබුණි. (ඇත්ත වශයෙන්ම පසු කාලයක ගැමුණු පුතුට ද හිතුවක්‌කාර ගතිය ආවේ මවගෙනි.)

දියණිය නවතාලිය නොහැකි බව දන්නා පිය රජුගේ ඊළඟ කාරිය වූයේ ඇයගේ පූර්ණ ආරක්‍ෂාව සැලසීමයි. ඒ අනුව තමාගේ හොඳම නැව සූදානම් කොට මසකට පමණ සෑහෙන ආහාර ද්‍රව්‍ය පුරවා ඉනුත් නොනැවතී තම දියණියගේ ආරක්‍ෂාව සඳහා "මේ එන්නේ කැලණිතිස්‌ස රජුගේ දුව දේවී කුමරියයි" කියා රන් අකුරෙන් ලියවීය.

දෙවියන්ට දෙන බිල්ලකට අනන්‍යතාවක්‌ කුමටද? ඒ නිසා ම මේ වැකිය අපි හොඳින් විශ්ලේෂණය කරමු. ඇයි රන් අකුරෙන් ලිව්වේ? ඈත දියඹේ නැව යද්දී හිරු රශ්මිය නැව් බඳට පතිත වන විට රන් අකුරු දිලිසෙන්නට ගනී. ඉතා ඈත සිටින්නකුට වුව යමක්‌ නැව් බඳේ ලියා ඇති බව තේරුම් ගත හැක.

කැලණිතිස්‌ස රජු නාග ගෝත්‍රිකයෙකි. නාග යනු නැවියන් බවයි අරිසෙන් අහුබුදු සූරීන්ගේ මතය. එය සත්‍ය විය යුතු බව අපට නිගමනය කළ හැක්‌කේ වැදගත් වරායක්‌ ආශ්‍රිතව මේ කැලණි රාජ්‍යය පැවතීම හේතු කොට ගෙනය.අනිවාර්යෙන්ම කැලණිතිස්‌ස රජු තම මුහුදු සීමාවේ ආධිපත්‍යය දරා සිටින්නට ඇත.

ලොව ප්‍රථම

ඒ නිසාම ඔහුගේ අණසකට ඕනෑම නැවියෙක්‌ යටත් වනු ඇත. මේ නිසා මේ නැවේ ඉන්නේ රජුගේ දියණියයි දන්නා කිසිම නැවියෙකුගෙන් දේවි කු=මරියට හිරිහැරයක්‌ නොවේ.

මෙයයි තම දියණියට රජුට දිය හැකි එකම රක්‍ෂණ ආවරණය. ඉතුරු හරිය, එනම් නැව හැසිරවීම සහජ දක්‍ෂතාවක්‌ ඇති දේවි කුමරියට බාරය. කුමරිය නැව පදවාගෙන ගියේ තම පියාගේ මිතුරකුව සිටි, ආසියාවේ ප්‍රබලතම නැව් සමාගමේ අයිතිකරුව සිටි (ගෝඨවිය + අභය) ගෝඨාභය රජුගේ රාජධානියටය. මේ වන විට එහි රජ කරමින් සිටියේ ඔහුගේ පුත් කාවන්තිස්‌ස රජු ය.

සුනාමියක්‌ ඇතිවීමට හේතු වන භූ චලනයක්‌ වන්නේ සිරස්‌ හෝ තිරස්‌ අතට බව සාගර විද්‍යාඥයන්ගේ අදහස ය. තිරස්‌ අතට වන භූ චලනයකින් එක්‌ ප්‍රදේශයකට පමණක්‌ බලපාන මුත් ඉන් තදබල හානි ඇති වීමට ඉඩක්‌ නොමැති බවයි ඔවුන්ගේ අදහස.

එහෙත් වංසකතාවලට අනුව ගව් 7 ක්‌ දුරට මුහුද ගොඩ ගලා ඇත. ගව්වක්‌ යනු සැතපුම් 3.25 ක්‌ නිසාත්, සැතපුමක්‌ යනු කිලෝමිටර් 1.60 ක්‌ නිසාත්, ගව් 7 ක්‌ යනු මීටර් 36400 කි. කැලණිය සිට මන්නාරම දක්‌වා සියලුම පටුනු ගම් විනාශ වූ බව කියෑවේ. එසේ නම් මෙය ඉතා විශාල භූ කම්පනයක්‌ නිසා ඇතිවිය යුතු තත්ත්වයකි. එසේම එය සිරස්‌ අතට වූ භූ කම්පනයකුත් විය යුතුය.

2004 ලංකාවට ආ සුනාමියත් සිරස්‌ අතට වූ සුනාමියක්‌ බව සාගර විද්‍යාඥයන්ගේ මතයයි. එය නැගෙනහිර වෙරළෙන් පටන් ගෙන විශාල හානියක්‌ කරමින් දිවයිනේ වෙරළ වටා ම ගොස්‌ බටහිර වෙරළ ද ආක්‍රමණය කොට වයඹ වෙරළට ද සුළු බලපෑමක්‌ කළේය. මෙතරම් තදබල හානියක්‌ කළ ද මේ සුනාමිය ආවේ බොහෝ තැන්වල මීටර් 100 ක්‌ පමණි. ඇතැම් තැන්වලදී පමණක්‌ එය මීටර් 500 ක්‌ දුරට ආවේය. එසේ නම් මීටර් 36500 ක්‌ දුර ආ සුනාමියක්‌ කාවන්තිස්‌ස රජුට අබ ඇටයකින්වත් තරම්වත් නොදැනී එන්නට විදියක්‌ නැත. එසේ නොදැණුනා නම් එතුමාගේ රාජ මාලිගය තිබෙන්නට ඕනෑ සිරිපා කන්දේ ය. මේ සියල්ල අතිශයෝක්‌තියෙන් කරන ලද විස්‌තර බව දැන් පැහැදිලි විය යුතුය.

සුනාමිය දිනවල මහාචාර්ය සුනන්ද මහේJද්‍රයන් අපූරු ජනප්‍රවාදයක්‌ ගෙන හැර දක්‌වමින් පැවසුවේ කුමරිය පා කර හැරිය පසු තවමත් ඇයගේ නැව දර්ශනය වන බව මිනිසුන් කී විට කැලණිතිස්‌ස රජු ඇතු පිට නැගී වත්තල හැඳල අතර පිහිටි ප්‍රදේශයකට ගිය බවත් එහිදී රජුව ඇතුත් සමඟම නිරයට ගිය බවත් එම ප්‍රදේශය ඇතුබුන්වල කියා හඳුන්වන බවත් ය.

මගේ "අභිමානි හෙළන්කා" ග්‍රන්ථයෙන් මේ සියලු කරුණු ගෙන හැර දක්‌වා මේ ජනප්‍රවාදයට ද අලුත් අර්ථකථනයක්‌ ලබා දී ඇත. රජු කළ පාප කර්මයට ඇතු නිරයට යා යුතු නොවේ. තම ආදර දියණිය සදහට ම පිටවී ගිය පසු ඇයගේ දසුන අවසන් වරට බලමින් සිටි රජු දියණියන් නොපෙනී යත්ම හද පැලී (යෑaරඑ aඑඒජන) මැරී ඇතුගේ පිටින් වැටුණි. ඇතුගෙන් බුන් වූ තැන ඇතුබුන්වල විය.

තිලකා රන්දෙනි

 
Powered By -


        උපාලි නිව්ස්‌පේපර්ස්‌ ප්‍රයිවට්‌ ලිමිටඩ්
          223, බ්ලූමැන්ඩල් පාර, කොළඹ 13.