කතා අහුර

ඉංග්‍රීසි දැනුම!

මිතුරන් තිදෙනෙක්‌ ඉංග්‍රීසි භාෂාව ඉගෙන ගැනීමට සිතා එක්‌තරා පංතියකට සහභාගි වූහ.

මාස හතරක්‌ ඉගෙන ගත්තද ඔවුන් තිදෙනා ඉගෙන ගෙන තිබුණේ වචන කොටස්‌ කිහිපයක්‌ පමණි.

පළමුවැන්නා දැන සිටියේ "වී ත්‍රී" යන්න පමණකි. දෙවැන්නා ඉගෙන ගෙන තිබුණේ "ෆො ෆිෆ්ටි රුපීස්‌" යන්නය. තුන් වැන්නා දැන සිටියේ "යර්ස්‌" යන පදය පමණකි.

දිනක්‌ මේ තිදෙනා තමන් දන්නා වචන කිහිපය කතා කරමින් පාරක්‌ දිගේ එන විට එක්‌ ස්‌ථානයක මිනිසෙකුගේ මළ සිරුරක්‌ දක්‌නට ලැබුණි. ඒ අසල පොලිස්‌ නිලධාරින් දෙදෙනෙකුද සිටියහ.

එක්‌ පොලිස්‌ නිලධාරියෙක්‌ මේ තිදෙනාගෙන් එක්‌ අයෙකුගෙන් මෙසේ ඇසුවේය. "හූ කිල්ඩ් දිස්‌ මෑන්?" එවිට එක්‌වරම ඔහු තමා උගත් දෙය කියාගෙන ගියේය. "වී ත්‍රී"

"වට්‌ ෆොa?" පොලිස්‌ නිලධාරියා දෙවැන්නාගෙන් ඇසුවේය.

"ෆො ෆිෆ්ටි රුපීස්‌" යනුවෙන් ඔහු පිළිතුරු දුන්නේය.

"ඉස්‌ දැට්‌ ටෲ" පොලිස්‌ නිලධාරියා තුන් වැන්නාගෙන් ඇසුවේය.

එවිට ඔහු "යර්ස්‌" යනුවෙන් තමන් දන්නා වචනය කීවේය.

පොලිස්‌ නිලධාරියා විසින් මිතුරන් තිදෙනාම අත්අඩංගුවට ගනු ලැබිණ.

මල්ලට දාපන් පුතේ!

මගීන්ගෙන් පිරී ගිය බස්‌රථයකට ගොඩ වූ මහළු කාන්තාවක්‌ රියෑදුරු අසුන අසල සිය පන් මල්ල තැබුවාය.

"අම්මෙ... ඔතන මල්ල තිබ්බහම මම ජියර් එක දාන්නේ කොහොමද?" රියෑදුරා වයසක කාන්තාවගෙන් ඇසුවේය.

"ඕකත් මේ මල්ලටම දාපන් පුතේ... මේක හිස්‌ මල්ලනේ...

මද සිනහවක්‌ පාමින් ඇය එසේ පැවසුවාය.

අපේ තාත්ත ත්‍රිවිධ හමුදාවේ!

පාසලේ විවේක කාලය තුළදි ළමුන් දෙදෙනෙකු අතර කලහයක්‌ ඇති විය.

"මට ගැහුවොත් බලා ගෙනයි. අපේ තාත්ත පොලිස්‌ ඉන්ස්‌පැක්‌ටර් කෙනෙක්‌". එක්‌ සිසුවෙක්‌ මහත් ආඩම්බර ලීලාවෙන් එසේ කීවේය.

"උඹලෑ තාත්ත ඉන්ස්‌පැක්‌ටර්. ඒ වගේ නොවෙයි අපේ තාත්ත වැඩ කරන්නේ ත්‍රි විධ හමුදාවේ!

අනෙක්‌ සිසුවා ඊටත් වඩා උජාරු ලීලාවකින් කියාගෙන ගියේය.

පෙම්වතිය!

සුනිල්( මම ඊයේ සවස දැක්‌කා මං බඳින්න ඉන්න ගැහැණු ළමයා මගේ හොඳම යාළුවත් එක්‌ක චිත්‍රපටියක්‌ බලන්න යනවා.

පියල්( ඉතින් ඔබ පසු පස්‌සේ ගියාද?

සුනිල්( නැහැ. මම ඒ චිත්‍රපටිය කලින් බලල තියෙනවා.

භාෂා විශාරද ගිරවා!

එක්‌තරා තරුණයෙක්‌ සුරතල් පක්‌ෂීන් අලෙවි කරන ස්‌ථානයකට ගියේය.

එහිදී එක්‌ පාදයක කොළ පැහැති නූලක්‌ද, අනෙක්‌ පාදයේ රතුපැහැති නූලක්‌ද ගැට ගසා තිබුණු ගිරවෙකු ඔහු දුටුවේය.

"මේ ගිරවාගේ කොළපාට නූලෙන් ඇද්දහම ඌ ප්‍රංශ භාෂාවෙන් කතා කරනවා. රතුපාට නූලෙන් ඇද්දහම ඌ ස්‌පාඤ්ඤ භාෂාවෙන් කතා කරනවා."

වෙළෙඳ සේවකයා ගිරවා පිළිබඳ විස්‌තරයක්‌ කරමින් එසේ පැවසීය.

"එතකොට නූල් දෙකෙන්ම ඇද්දොත්" තරුණයා ඔහුගෙන් විමසුවේය.

"එතකොට මම බිමට ඇද වැටෙන බව දන්නෙ නැද්ද මෝඩ යෝ?" ගිරවා උස්‌ හඬින් කියාගෙන ගියේය.

බතුත් තියෙනවා!

මැදිවියේ තැනැත්තෙක්‌ හෝටලයකට ගොස්‌ දිවා ආහාරය ගනිමින් සිටියේය.

එවිට "කටස්‌" යන හඬින් ඔහුට ගලක්‌ හැපිණි.

"මහත්තයා ගල්ද?" හෝටලේ අයිතිකරු ඔහුගෙන් ඇසුවේය.

"නෑ බත් ඇටත් එහෙන් මෙහෙන් තියෙනවා" ඔහු ඇඟට පතට නොදැනී කීවේය.

වැඩිම ටිප් එක!

කිසිවකුට දෙවැනි නොවන ආකාරයට කටයුතු කිරීමට කැමැත්තක්‌ දක්‌වන පුද්ගලයෙක්‌ දිනක්‌ මත්පැන් හලකට ගොස්‌ මධු විත තොල ගාමින් සිටියේය.

පැයකට පමණ පසු එහි සේවකයකු ඔහුට බිල ගෙනැවිත් දුන්නේය.

"රුපියල් 2100 යි.... මං හිතන්නෙ මේ බාර් එකේ ඉන්න ඔක්‌කොටම වැඩිය බීලා තියෙන්නෙ මම"

ඔහු මහත් ආඩම්බරයෙන් තමාටම එසේ කියා ගත්තේය.

"ඔහේට මේ බාර් එකේදි ලැබිල තියෙන වැඩිම ටිප් එක කීයද?" ඔහු සේවකයාගෙන් විමසුවේය.

"රුපියල් දාහයි"

"රුපියල් දාහයි....... එහෙනම් මේක තියා ගන්නවා" යනුවෙන් පැවසූ ඔහු සේවකයා අත රුපියල් 1200 ක්‌ තැබුවේය.

මත්පැන් හලෙන් පිටතට යැමට සූදානම් වූ ඔහු යළි සේවකයා තමා වෙත කැඳවා මෙසේ ඇසුවේය. ඒ රුපියල් දාහේ ටිප් එක දුන්නේ කවුද? "මහත්තයම තමයි"

සේවකයා මඳ සිනහවක්‌ පාමින් පිළිතුරු දුන්නේය.

අපූරු උදව්ව!

ධනවත් කාන්තාවක්‌ ගම්බද පාරක්‌ දිගේ සිය සුඛෝපභෝගී මෝටර් රථයේ ගමන් කරමින් සිටියාය.

යෝධ බල්ලන් තිදෙනකු මුව අයාගෙන මිනිසෙකු පසුපස එලවන අයුරු ඇය දුටුවාය.

දහදිය පෙරාගෙන දුවන මිනිසා මෝටර් රථයට නංවා ගතහොත් එහි කුෂන් කවර අපවිත්‍ර වන බැව් ඇයට සිතුනද, අසරණ මිනිසා බේරාගත යුතු යෑයි සිතූ ඇය වහාම මෝටර් රථය ඔහු ඉදිරිපිට නතර කළාය.

"ඉක්‌මනට නගින්න"

ඇය කාරුණිකව ඔහුගෙන් ඉල්ලා සිටියේය. "ඔබ නම් හරිම කරුණාවන්ත නෝනා මහත්මියක්‌. මට බල්ලො තුන් දෙනෙක්‌ ඉන්න බව දැක්‌කහම කිසිම කෙනෙක්‌ ලිෆ්ට්‌ එකක්‌ දෙන්න ඉදිරිපත් වෙන්නේ නැහැ" මිනිසා ස්‌තුති පූර්වකව කියාගෙන ගියේය.

සූට්‌ මාරුව!

වැඩිහිටි කාන්තාවක්‌ සිය මියගිය සැමියාගේ දේහය තබා ඇති මල් ශාලාව වෙත ගියාය.

"මෙයාට අන්දවල තියෙන්නෙ කළුපාට සූට්‌ එකක්‌ නෙ. එයා මියයන වෙලාවෙ ඉල්ලීමක්‌ කළා නිල්පාට සූට්‌ එකක්‌ අන්දවන්න කියලා.....

(හා .... කරන්න පුළුවන් මොකක්‌ද කියලා මම බලන්නම් කෝ...... මල් ශාලාවේ හිමිකරු කීවේය.

පැයකට පමණ පසු ඇය නැවත වරක්‌ මල් ශාලාව වෙත ගියාය.

ඒ වනවිට ඇගේ සැමියාගේ සිරුරට නිල් පැහැති සූට්‌ එකක්‌ අන්දවා තිබෙනු ඇයට දක්‌නට ලැබිණි.

"කොහොමද ඒක හොයා ගත්තේ." ඇය මල්ශාලා හිමියාගෙන් ඇසුවාය.

නෝනා ආපසු ගිය හැටියේම වාගේ නෝනගේ මහත්තය වාගෙම උස මහත කෙනෙක්‌ගේ සිරුරුක්‌ ගෙනාවා. ඒ මිනිහට අන්දවල තිබුනෙ නිල්පාට සූට්‌ එකක්‌. නමුත් ඒ මහත්තයාගෙ නෝනට ඕනැවෙලා තිබුණේ කළුපාට සූට්‌ එකක්‌ අන්දවන්නයි. ඉතින් මම ඔළු දෙක මාරු කළා එච්චරයි.

ගොකරැල්ල - රණවීර මනුකුලසූරිය

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.