වලපනේ විනාශ වූ ස්‌ථාන නැරඹීමට
ඇමැති පිරිසක්‌ යති


රාගල - එස්‌. එම්. ආරච්චිගේ

පසුගිය දිනවල පැවැති මහවැසි නිසා ඇතිවූ නායයාම්වලින් විනාශයට පත් වලපනේ ස්‌ථාන නැරඹීමට පශුසම්පත් සංවර්ධන හා වතු යටිතල පහසුකම් අමාත්‍ය ආරුමුගන් තොන්ඩමන්, පෞද්ගලික ප්‍රවාහන සේවා අමාත්‍ය සී. බී. රත්නායක හා මධ්‍යම පළාත් කෘෂිකර්ම අමාත්‍ය නිමල් පියතිස්‌ස යන මහත්වරු පැමිණියහ. ආරුමුගම් තොණ්‌ඩමන් ඇමැතිවරයා නායයැම්වලට ගොදුරුවු අයට සහන සලසන ලෙස අදාළ නිලධාරීන්ට උපදෙස්‌ දී ඇත.

පෞද්ගලික ප්‍රවාහන සේවා අමාත්‍ය සී. බී. රත්නායක මහතා නායයැමේ අවදානමට ලක්‌ව ඇති කුඹල්ගමුව කීර්තිබණ්‌ඩාර මහා විද්‍යාලයේ ප්‍රාථමික අංශයේ ගොඩනැඟිලි සඳහා නව ගොඩනැඟිලි ඉදිකිරීමට පියවර ගන්නා ලෙස අදාළ නිලධාරීන්ට උපදෙස්‌ දී ඇත.

මධ්‍යම පළාත් කෘෂිකර්ම අමාත්‍ය නිමල් ජයතිස්‌ස මහතා පැවසුවේ වලපනේ විනාශයට පත් වාරිමාර්ගයන් වහාම පිළිසකර කිරීම සඳහා අවශ්‍ය මුදල් ලබා ගැනීමට ආර්ථික සංවර්ධන අමාත්‍ය බැසිල් රාජපක්‍ෂ මහතා සමග සාකච්ඡා කර මුදල් වෙන්කරවා ගන්නා බවය.