නැගෙනහිර විහාරස්ථාන සහ සිංහල ගම්බිම් රැක ගැනීමට මඩකලපුව මංගලාරාම විහාරාධිපති මාරාන්තික උපවාසයකට සැරසෙති! හේමන්ත රන්දුණු නැගෙනහිර පළාතේ සිංහල ජාතිකයන්ට අයත් ඉඩම් සංවිධානාත්මක දෙමළ කණ්ඩායම් විසින් කොල්ලකෑම, බොහෝ විහාරස්ථානවලට කරන කෙනෙහිලිකම්, ප්රදේශයේ රජයේ දෙමළ නිලධාරීන් පක්ෂග්රාහීව කටයුතු කිරීමට විරෝධය පළ කරමින් මඩකලපුව මංගලාරාම විහාරාධිපති අම්පිටියේ සුමන හිමියෝ මාරාන්තික උපවාසයක් ආරම්භ කිරීමට සූදානම්ව සිටිති. මෙම මාරාන්තික උපවාසය ලබන 14 වැනිදා මඩකලපුව මංගලාරාම විහාරස්ථානය ඉදිරිපිටදී ආරම්භ කිරීමට සියලු කටයුතු සූදානම් කර ඇති බව අම්පිටියේ සුමන හිමියෝ "දිවයින ඉරිදා සංග්රහය"ට පැවසූහ. නැගෙනහිර පළාතේ කෙරෙන ඉඩම් කොල්ලය සහ වෙහෙර විහාරස්ථානවලට කරන අකටයුතුකම්වලට විසඳුම් ලබාදෙන ලෙස අදාළ බලධාරීන් වෙත කොතෙකුත් ඉල්ලීම් කළ ද මේ වන තුරු ඊට කිසිදු විසඳුමක් ලැබී නැති බවද එම හිමියෝ පැවසූහ. මේ සම්බන්ධයෙන් වැඩිදුරටත් අදහස් දැක්වූ සුමන හිමියෝ මෙසේද පැවසූහ. මඩකලපුව දිස්ත්රික්කයේ සිංහල මිනිස්සුන්ට අයිතිවෙලා තිබිච්ච ඉඩම්වලට දෙමළ සංවිධානාත්මක කල්ලි හොර ඔප්පු හදලා එAවා අයිති කරගෙන. එA සිංහල මිනිස්සුන්ට අද කාගෙවත් පිළිසරණක් නැහැ. නැගෙනහිර පළාතේ වෙහෙර විහාරස්ථානවලට අයිති ඉඩකඩම් පවා මේ වෙනකොට කොල්ලකාගෙන. මඩකලපුවේ වෙහෙර විහාරස්ථාන 18 ක් තියෙනවා. එA හාමුදුරුවරු වැඩ ඉන්නෙ විහාරස්ථාන 4 ක විතරයි. එA විහාරවලටත් දානයක් දෙන්න කෙනෙක් නැහැ. බෞද්ධ කටයුතු අමාත්යාංශයට මේ බව දැනුම් දුන්නත් කිසිම සාධාරණයක් වෙලා නැහැ. පසුගිය ජනවාරි 30 වැනිදා මම මේ අකටයුතුකම්වලට එරෙහිව උපවාසයක් කරන්න සූදානම් වුණා. එA වෙලාවෙ බෞද්ධ කටයුතු අමාත්යාංශයේ උසස් නිලධාරියෙක් ඇවිත් මා එක්ක සාකච්ඡා කරල විසඳුම් ලබාදෙන්න එකඟ වුණා. එAත් මේ වනතුරු කිසිම විසඳුමක් ලැබිලා නැහැ. මඩකලපුවට එක සිංහල දේශපාලනඥයෙක් නැහැ. මේ පළාතේ ඉන්න දෙමළ ජාතික රජයේ නිලධාරීන් කටයුතු කරන්නේ ජාතිවාදී හැඟීමෙන්. මේ ක්රමය නැති කරන්න ඕනෙ. මඩකලපුවට එක සිංහල දේශපාලනඥයෙක් හරි පත් කරන්න කියලා මම ඉල්ලනවා. මෙම ඉල්ලීම් ලබාදෙන තුරු මාරාන්තික උපවාසය අත්හරින්නේ නැහැ.
සීමාසහිත උපාලි පුවත්පත් සමාගම අංක 223, බ්ලූමැන්ඩල් පාර, කොළඹ 13, ශ්රී ලංකාව.
