ජ්‍යොතිෂයට පෙනෙන මතු භවය

ජ්‍යෙdතිෂවේදී වසන්ත කුරුප්පු
රම්මුතුගල, කඩවත.

යම් කිසිවකු මෙලොව උපදින මොහොතේ නැගෙනහිර ක්‍ෂිතිජයේ උදාව පවතින තත්කාලීන කේන්ද්‍ර සටහනින්, ඔහුගේ මෙම ආත්ම භාවයේ අනාගත ජීවිතය පිළිබඳව විස්‌තරද, පෙර ආත්ම භාවයන් පිළිබඳව ආත්මභාව තුනක පසුපස විස්‌තරද, එම පුද්ගලයා උපදින මතු ආත්ම භාව තුනක්‌ පිළිබඳව ඉදිරි විස්‌තර ද, ජ්‍යෙdතිෂය උපයෝගි කරගෙන කිව හැකිය.

සියල්ලෝම මනුෂ්‍යයන්ද?

මේ ආත්ම භාවයේ උපන් ස්‌ත්‍රිය හෝ පුරුෂයා මනුෂ්‍ය නාමයෙන් සිටියත් සියල්ලෝම මනුෂ්‍යයන් නොවෙති.

ඒ නිසා ඔවුන් මෙසේ වර්ග කෙරේ

මනුෂ්‍ය - දිව්‍ය
මනුෂ්‍ය - මනුෂ්‍ය
මනුෂ්‍ය - තිරිසන්
මනුෂ්‍ය - යක්‍ෂ
මනුෂ්‍ය - ප්‍රේත
මනුෂ්‍ය - තේරයික

ඒ වර්ග කිරීම මෙසේ නිශ්චය කෙරේ

1. උත්පත්ති ජන්ම කේන්ද්‍රයේ ලග්නාධිපති ජන්ම කේන්ද්‍රයේ සහ නවාංශකයේ උච්ඡව ශුභ තත්ත්වයෙන් සිටියහොත් එම ස්‌ත්‍රිය හෝ පුරුෂයා අයත් වන්නේ මනුෂ්‍ය, දේව තත්ත්වයටය. ඔවුන් පිරිපුන් මිනිස්‌ ගුණයෙන් යුක්‌තය.

2. උත්පත්ති ජන්ම කේන්ද්‍රයේ ලග්නාධිපතියා ජන්ම කේන්ද්‍රයේ ස්‌වක්‌ෂේත්‍රව හෝ මිත්‍ර රාශි ගතව ශුභ තත්ත්වයෙන් සිටියදී, එම තත්ත්වය ඒ තත්ත්වයෙන්ම නවාංශකයෙහිද පිහිටියහොත් එම ස්‌ත්‍රිය හෝ පුරුෂයා ද ගුණධර්ම හොඳින් පිහිටි අයයි.

3. ලග්නාධිපතියා ජන්ම කේන්ද්‍රයේ සමවද, නවාංශකයේ සතුරුවද සිටියහොත් එම ස්‌ත්‍රිය හෝ පුරුෂයා පහත් ගුණ ධර්ම ඇති මනුෂ්‍ය තිරිසන් තත්ත්වයට පත්වේ.

4. ලග්නාධිපතියා ජන්ම කේන්ද්‍රයේ සතුරු රාශිගතව නවාංශකයේද සතුරුව සිටියහොත් එම ස්‌ත්‍රිය හෝ පුරුෂයාද පහත් ගතිගුණ ඇති අය බවට පත්වේ.

5. ලග්නාධිපතියා ජන්ම කේන්ද්‍රයේ සතුරු රාශිගතව නවාංශකයේ නීචව සිටියහොත් එම ස්‌ත්‍රිය හෝ පුරුෂයා අයත් වන්නේ මනුෂ්‍ය ප්‍රේත තත්ත්වයටය.

6. ලග්නාධිපතියා ඡන්ම කේන්ද්‍රයේ නීචව, නවාංශකයේද නීචව සිටියහොත් එම ස්‌ත්‍රිය හෝ පුරුෂයා පහත් ගතිගුණයෙන් යුත් අවාසනාවන්ත දුක්‌ සහිත ජීවිතයක්‌ ගත කරන මනුෂ්‍ය පිසාචයකු බවට පත්වේ.

නවාංශකය

විශේෂයෙන් ඉහත සඳහන් නිගමනයන්ට එළඹෙන්නට පෙර නවාංශකයේ ලග්නාධිපතියා සිටි රාශිය නිවැරදි දැයි සොයා බැලිය යුතුය. නැතහොත් සත්‍ය විකෘති වේ.

12 වන භාවය

උත්පත්ති ඡන්ම කේන්ද්‍රයේ දොළොස්‌ වන භාවයෙන්, සත්වයා මේ ආත්මයෙන් මිදී ගොස්‌ උපදින මතු ආත්මය පිළිබඳව විස්‌තර කියෑවේ.

1. දොළොස්‌ වන භාවාධිපතියා ඡන්ම කේන්ද්‍රයේ උච්ඡව, නවාංශකයේද උච්චව, බලවත්ව සිටියහොත් එම ජන්මියා මීළඟ භවයේදී බලයෙන් යුක්‌ත දිව්‍ය රාජයකුව උපදියි.

2. දොළොස්‌ වන භාවාධිපතියා ජන්ම කේන්ද්‍රයේ ස්‌වක්‍ෂේත්‍රව සිටිමින් නවාංශකයේ උච්ඡව සිටියහොත් එම ජන්මියා මීළඟ බවයේදී මධ්‍යම පංතියේ දේවතාවකු බවට පත්වෙයි.

3. දොළොස්‌ වන භාවාධිපතියා ජන්ම කේන්ද්‍රයේ මිත්‍ර රාශිගතව සිටිමින් නවාංශකයේ උච්ච වුවහොත් එම ඡන්මියා මිනිස්‌ ලොව ඇසුරු කරන උසස්‌ දෙවියකු බවට පත්වේ. ඒ මීළඟ භවයේදීය.

4. දොළොස්‌ වන භාවාධිපතියා ජන්ම කේන්ද්‍රයේ සම තත්ත්වයෙන් සිට නවාංශකයේ උච්ජ වුවහොත් එම ජන්මියා මීළඟ භවයේදී වෘක්‌ෂ දේවතාවකු බවට පත්වේ.

5. දොළොස්‌ වන භාවාධිපතියා ජන්ම කේන්ද්‍රයේ නීව රාශිගතව නවාංශකයේ උච්ජව සිටියහොත් එම ජන්මියා මීළඟ භවයේදී තලස්‌ථ හෝ භූමස්‌ථ දේවතාවකු වශයෙන් උත්පත්තිය ලබයි.

පෙර පින්

උත්පත්ති ජන්ම කේන්ද්‍රයේ දොළොස්‌ වන භාවය සුබ ග්‍රහයන්ගෙන් යුක්‌තව, ශුභ දෘෂ්ටියෙන් පොහොසත්ව තිබුණහොත් එම ඡන්මියා පෙර ජාතීන්හිදී හොඳට පින් දහම් කළ කෙනෙකි.

ඒ හේතුවෙන් මෙලොවදී ද ඔහු කුසල් රැස්‌කර ගන්නට උනන්දු වී සුගතිගාමී වෙයි.

වංශය දැක්‌වීම

එසේම උප්පත්ති ඡන්ම කේන්ද්‍රයේ 12 වන භාවාධිපතියා

1. රවි හෝ කුජ වුවහොත් ලබන ආත්මභාවය කුමන උපතක්‌ වුවද එය ක්‌ෂත්‍රීය වංශයට අයත් වේ.

2. සඳු හෝ ගුරු වුවහොත් ලබන ආත්මභාවය කුමන විධිහේ උපතක්‌ වුවද එය බ්‍රාහ්මණ වංශයට අයත් වේ.

3. බුධ වුවහොත් එම සත්ත්වයා වෛශ්‍ය වංශයට අයත් වේ.

4. ශුක්‍ර වුවහොත් එම සත්ත්වයා ක්‍ෂුද්‍ර වංශයට අයත් වේ.

එසේම උත්පත්ති ජන්ම කේන්ද්‍රයේ 12 වන භාවාධිපතියා ජන්ම කේන්ද්‍රයේ සහ නවාංශකයේ සිටින තත්ත්වය අනුව ලැබෙන මීළඟ ආත්ම භාවය තිරිසන් සතෙකුගේ ආත්ම භාවයක්‌ වුවහොත් ඒ තිරිසන් සතාට ලැබෙන පාද (කකුල්වල) ප්‍රමාණයද ඉසිවරු සඳහන් කර ඇත.

ඒ අනුව

1. දොළොස්‌ වන භාවාධිපතියා ගුරු හෝ සිකුරු නම්, කකුල් දෙකේ සත්ත්වයෙකි.

2. රවි හෝ කුජ නම් ඒ සත්ත්වයාට කකුල් 04 කි.

3. සඳු නම් බහුපාද සත්ත්වයෙකි.

4. බුධ හෝ ශනි නම් අපාද (කකුල් නැති) සත්ත්වයෙකි.

අහෝසි කර්ම

1. යම් කිසිවෙකු තෙරුවන් සරණ යමින් කුසල් රැස්‌කර ගත්තේ නම්, තමා සිතා මතා නොකළ සුළු අකුසල් අහෝසි වී සැප ලැබේ.

2. එසේම බොහෝ අකුසල් හා පාප කර්ම කළ පුද්ගලයාට, තමන් කළ සාමාන්‍ය කුසල කර්ම අහෝසි වී පව් පල දෙන්නට පටන් ගනියි.

ගුරු සිකුරු

එසේම උත්පත්ති ජන්ම කේන්ද්‍රයේ දොළොස්‌ වන භාවාධිපතියා

1. ගුරු හෝ සිකුරු වුවහොත් ලබන ආත්මයේදී ලැබෙන ආත්මය කුමක්‌ වුවත් එම ආත්මය උසස්‌ තත්ත්වයෙන් පවතින බවද

2. රවි - බුධ හෝ සඳු වුවහොත් ලබන ආත්මයේදී ලැබෙන ආත්ම භාවය කුමක්‌ වුවත් එය මධ්‍යම තත්ත්වයේ එකක්‌ වන බවද

3. කුජ හෝ ශනි වුවහොත් ලබන ආත්ම භාවයේදී ලැබෙන ආත්මය හීන භාවයෙන් යුක්‌ත වන බවද, මතක තබාගත යුතුය.

එකොළොස්‌ වන භාවය

එසේම 11 වැන්න හා 11 වැන්නාධිපතියාද බලවත්ව උපත ලබා සිටින අය, යළි මෙලොවදීද කුසල් රැස්‌කර ගෙන මීළඟට හොඳ ආත්මභාවයන් ලබාගන්නට කටයුතු කර ගනිති.

විශේෂයෙන් යම්කිසිවකුගේ ජන්ම කේන්ද්‍රයේ දොළොස්‌වන භාවයත් දොළොස්‌ වැන්නාධිපතියාත් දුර්වල නම්, දැහැමිව ජීවත් වෙමින්.

1. නව අරහාදී බුදුගුණ නිතර සිහි කරන්න

2. කඨ§න පූජා, අටපිරිකර පූජා, බෝධි පූජා වලට සහභාගි වන්න.

3. හැකි අවස්‌ථාවන්හිදී බුදුරජාණන් වහන්සේට එළඟිතෙල් පහනක්‌ දල්වා, මල් සුවඳ දුම් ගිලන්පස පූජා කර පහත සඳහන් ප්‍රාර්ථනාව කරන්න.

ප්‍රාර්ථනාව

සුඛෝ බුද්ධානං උප්පාදෝ

සුඛෝ බුද්ධානං උප්පාදෝ

සුඛෝ බුද්ධානං උප්පාදෝ


බුදුරජාණන් වහන්සේලාගේ පහළ වීම සැපතකි

බුදුරජාණන් වහන්සේලාගේ පහළ වීම සැපතකි

බුදුරජාණන් වහන්සේලාගේ පහළ වීම සැපතකි

බුදුගුණ අනන්තය

බුදුගුණ අනන්තය

බුදුගුණ අනන්තය

ඒ අනන්ත වූ බුදුගුණ බලයෙන්ද, මෙතෙක්‌ මා විසින් ජීවිතය පුරා එක්‌රැස්‌ කර ගත්තා වූ කුසලානි ශංසයන්ගේ බලයෙන්ද, සසර වසනා තෙක්‌ මා තෙරුවන් සරණ ගිය සැදැහැවත් බෞදධයකු වී හොඳ දිව්‍ය ආත්ම වල සහ හොඳ බෞද්ධ පරිසරවල උපත ලබම්වා! දුක්‌ සහිත භවයන්හි නූපදිත්වා!!!

ඉන්පසු දසදිසා පිරිත තුනවරක්‌ද, කරණීය මෙත්ත සූත්‍රය තුන්වරක්‌ ද කියා දෙවියන්ට හා මළගිය ඥතීන්ටද පිංදීමෙන් සෙත සැලසේ. එසේ කිරීමෙන් පාපී වූ දූෂිත 12 වන භාවයේ පාප බලය යටපත් කරගෙන මීළඟ භවය සුගතිගාමී කරගත හැකිය.

මතු භවය

කේන්ද්‍රයේ සහ නවාංශකයේ 12 වැන්නාධිපතියා තැන්පත්ව සිටින රාශිය අනුව මීළඟ භවය පිළිබඳව ඉඟියක්‌ ලබාගත හැකිය.

පහත වගුව බලන්න

නමුත් මෙලොවදී දැහැමිව ජීවත්වෙමින් පිං දහම් කිරීමෙන් ඕනෑම නරක තත්ත්වයක්‌ වෙනස්‌ කරගත හැකි බව මතක තබා ගන්න.

12 වැන්නාධිපතියා පිළිබඳ සටහන

12 වන භාවාධිපතියා

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.