කිරිපිටි තහනම ක්‍රියාත්මක දැයි සොයා බලන්න
- සෞඛ්‍ය අමාත්‍යාංශය උපදෙස්‌ දෙයි

ඒමන්ති මාරඹේ

වෙළෙඳපොළේ ඇති කිරිපිටිවලින් විකිණීමට තහනම් කර ඇති කිරිපිටි වර්ග හරිහැටියට වෙළෙඳසල්වලින් ඉවත් කරන්නේද යන්න සොයා බලන ලෙස වගකිවයුත්තන්ට දන්වා ඇතැයි සෞඛ්‍ය අමාත්‍යාංශය පවසයි.

මේ අනුව කාර්මික තාක්‍ෂණ ආයතනය විසින් පරීක්‍ෂණවලදී "ඩීසීඩී" කෘෂි රසායනික ද්‍රව්‍ය අඩංගු බවට තහවුරු කළ ආනයනික කිරිපිටි වර්ග 4 කට අයත් කාණ්‌ඩවල කිරිපිටි තොග අදාළ කිරිපිටි සමාගම් විසින් දැනුම් දී ඇති පරිදි ඉවත් කර ගන්නේ ද යන්න හරිහැටි සොයා බලන ලෙස දිවයිනේ සියලු පළාත් සෞඛ්‍ය අධ්‍යක්‍ෂවරුන් සහ ප්‍රාදේශීය සෞඛ්‍ය අධ්‍යක්‍ෂවරුන් හා කොළඹ ප්‍රධාන සෞඛ්‍ය වෛද්‍ය නිලධාරිවරයා වෙත දැනුම් දී ඇති බව සෞඛ්‍ය අමාත්‍යාංශය වැඩිදුරටත් සඳහන් කර සිටී.

අදාළ සෞඛ්‍ය අධ්‍යක්‍ෂවරුන්ට ඒ සම්බන්ධව චක්‍රලේඛයක්‌ සෞඛ්‍ය සේවා අධ්‍යක්‍ෂ ජෙනරාල් වෛද්‍ය පාලිත මහීපාල මහතා විසින් යවා ඇති බවද අමාත්‍යාංශය කියයි.

ඩීසීඩී රසායනිකය අඩංගු බවට මෙරට පරීක්‍ෂණවලදී තහවුරු කරනු ලැබූ කිරිපිටි කාණ්‌ඩයන් වෙළෙඳපළෙන් ඉවත් කරගන්නා ලෙසට සෞඛ්‍ය සේවා අධ්‍යක්‍ෂ ජනරාල් වෛද්‍ය පාලිත මහීපාල මහතා විසින් අදාළ කිරිපිටි සමාගම් වෙත පෙරේදා (07 දා) දැනුම් දී තිබිණි.

සෞඛ්‍ය අමාත්‍යාංශය මගින් නිවේදනය කර ඇති පරිදි වෙළෙඳපොළෙන් ඉවත් කරගන්නා ලෙස දැනුම් දී ඇති කිරිපිටි වර්ග මෙසේය.

ඇන්කර් 1Ý කාණ්‌ඩ අංකය 107610163 ෆොන්ටෙරා සමාගම.

ඇන්කර් සම්පූර්ණ යොදය සහිත කිරිපිටි කාණ්‌ඩ අංකය 0605C0883 11(21 ෆොන්ටෙරා සමාගම.

මැලිබන් යොදය රහිත කිරිපිටි. කාණ්‌ඩ අංකය 13074A1 බැලිබන් කිරි නිෂ්පාදන පෞද්ගලික සමාගම.

ඩයමන්ඩ් කිරිපිටි කාණ්‌ඩ අංකය භඋෂFෂඡDඞෂ ජී. එම්. මොහොමඩ් අලි සහ සමාගම.

 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.