එජාප නායක ජාතික නායක විපක්‌ෂ නායක රනිල්

සිරිකොතේදී ඊයේ (4 වැනිදා) සවස 04.00 ට පමණ එජාප නායක රනිල් වික්‍රමසිංහ මහතාගේ ප්‍රධානත්වයෙන් කෘත්‍යාධිකාරී රැස්‌වීම පැවැති අතර එහිදී ප්‍රධාන වශයෙන්ම සාකච්ඡා වී ඇත්තේ පිහිටුවීමට යන මෙම නායකත්ව මණ්‌ඩලය සම්බන්ධවය.

මෙහිදී සජිත් ප්‍රේමදාස මහතා නැගී සිsටිමින් කියා ඇත්තේ නායකත්ව මණ්‌ඩලයේ සභාපති ධුරය දරනු ලබන තැනැත්තා කෘත්‍යාධිකාරී මණ්‌ඩලයේ නායකයා විය යුතු බවත් එසේ නැතිනම් තමා මෙම මණ්‌ඩලයෙන් ඉවත්වන බවත්ය.

කෙසේ වෙතත් විවිධ තර්ක, විතර්ක මැද ඉහත නව දෙනාගේ නම් එජාප නායකත්ව මණ්‌ඩලයට සාමාජිකයන් වශයෙන් පත්ව ඇති අතර එම සාමාජිකයන් අද (5 වැනිදා) පෙරවරු 10.00 ට සිරිකොතදී විශේෂ මාධ්‍ය සාකච්ඡාවක්‌ද පැවැත්වීමට නියමිතය.

ඒ අනුව එක්‌සත් ජාතික පක්‌ෂයේ නායකයා වෙත පක්‌ෂ කෘත්‍යාධිකාරී මණ්‌ඩලය විසින් පවරා ඇති සියලුම වගකීම් ඉතිහාසයේ ප්‍රථම වතාවට මෙම නායකත්ව මණ්‌ඩලය වෙත පැවරේ.

එජාපයේ පැවැති නායකත්ව අර්බුදය විසඳීම සඳහා නායකත්ව මණ්‌ඩලයක්‌ පත්කරන ලෙස එක්‌සත් භික්‌ෂු පෙරමුණ විසින් යෝජනා කළ අතර ඒ අනුව එජාපයේ ප්‍රධාන නායකයන් තිදෙනා වන රනිල්, කරු, සජිත් යන මහත්වරුන් මීට පෙර අවස්‌ථා දෙකකදී සහ ඊයේ (04 දා) පෙරවරුවේද හමුවී ඒ සම්බන්ධව සාකච්ඡා පැවැත්වීය.

ඊයේ (4 දා) පෙරවරුවේදී පැවැත්වූ සාකච්ඡාවලදී නායකත්ව මණ්‌ඩලය සම්බන්ධව සජිත් ප්‍රේමදාස මහතා යෝජනා කිහිපයක්‌ ගෙනවිත් ඇති අතර නායකත්ව මණ්‌ඩලයේ සභාපතිත්වය දරන්නා කෘත්‍යාධිකාරී මණ්‌ඩලයේ සභාපති ධුරය දැරිය යුතු යෑයිද එය පක්‌ෂයේ ව්‍යවස්‌ථාවට ඇතුළත් කළ යුතු බවද පවසා තිබේ.

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.