රජරට ගොවියෝ දේශීය කෘමි නාශකවලට හුරුවෙති

ඉපලෝගම - ඡේ. බී. ඒකනායක

රජරට ගොවි ජනතාව කෘතිම කෘමිනාශක අතහැර ස්‌වාභාවික සම්පත් උපයෝගි කරගෙන සකස්‌ කර ගන්නා ස්‌වාභාවික කෘමිනාශක වර්ගවලට ක්‍රමයෙන් හුරු වෙමින් සිටී.

කොහොඹ කොළ කොටා එහි ඉස්‌ම කෘමි නාශකයක්‌ ලෙස භාවිත කිරීමට බොහෝ ගොවි ජනතාව හුරු පුරුදු වී සිටිති. වම්බටු, මිරිස්‌ සහ මුං ඇට වැනි වගාවන්ට හානි කරන සතුන් සඳහා මෙම දියර ඉසීම වඩාත් ප්‍රයෝජනවත් බව ගොවි ජනතාව පවසති.

කොටාගත් කොහොඹ ඉස්‌ම දින කීපයක්‌ වුවද සුරක්‍ෂිතව තබා ගෙන ප්‍රයෝජනයට ගත හැකි බව ගොවිජනතාව පෙන්වා දෙති. කොහොඹ ගස ඉඩෝර සමයේ වුවද දලුලන ශාකයක්‌ නිසා අමුද්‍රව්‍ය සොයා ගැනීමද එතරම් අපහසු නොවේ.

වල් ඉඟුරු ගසේ කඳ සහ කොළ තම්බා පදම්කර කෘමීන් මර්දනයට පහසුවෙන් යොදා ගත හැකි වඩාත් හොඳ ඖෂධයක්‌ බව ගොවීහු පවසති.

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.