ජාත්‍යන්තර පාසලක 4 විද්‍යා පොතේ සංස්‌කෘතියට නොගැලපෙන පාඩම්
දෙමාපියෝ චෝදනා කරති

මීගමුව සමූහ - විමල් කීර්ති

දිවයිනේ ප්‍රධාන පෙළේ ජාත්‍යන්තර පාසලක දරු දැරියන්ගේ විද්‍යා අභ්‍යාස සඳහා එම පාසලෙන් ලබාදෙන පාඩම් පොත ශ්‍රී ලංකාවේ සංස්‌කෘතිය හැදියාව විනාශ කරන මට්‌ටමක පැවතීම නිසා මෙම පාසල් පිළිබඳව වහා අවධානය යොමු කරන ලෙස එම සිසු සිසුවියන්ගේ දෙමාපියෝ අධ්‍යාපන ඇමැති, සංස්‌කෘතික ඇමැති සහ බුද්ධ ශාසන ඇමැතිවරුන්ගෙන් ඉල්ලා සිටිති.

මෙම ජාත්‍යන්තර පාසල මිශ්‍ර පාඨශාලාවකි. මෙම පාසලේ 4 ශේ්‍රණිය ඉගෙනුම ලබන 11 වනි වියේ පසුවන ශිෂ්‍ය ශිෂ්‍යාවන්ට ලබාදී ඇති (Sජසැබජැ චරදටරුs) නමැති පාඩම් පොතෙහි 2. 3 සහ 20 වැනි පිටුවේ චිත්‍ර සහිතව පෙන්වාදී ඇත්තේ පිරිමි සහ ස්‌ත්‍රීන් ලිංගිකව එක්‌වන අයුරුය. 4 ශේ්‍රණියේ ඉගෙනුම ලබන 11 වියෑති සිසු සිසුවියන් යනු අපේ ජනවහර අනුව යාන්තම් ඇටෙන් පොත්තෙන් මිදී එන පරපුරය. ඔවුන් යොවුන් වියට පා තබන්නටත් ප්‍රථම චිත්‍ර සහිතව ලිංගික අධ්‍යාපනය ලබාදෙන්නේ සිංහල සංස්‌කෘතිය අමතක කොට බටහිර සංස්‌කෘතියම නැඹුරු කරන්නටදැයි දෙමාපියෝ ප්‍රශ්න කරති.

එම විදුහලෙන් පොත්පත් මුද්‍රණය කර සිසුන් අතට පත් කිරීමට පෙර එහි විදුහල්පතිවරුන් සහ ගුරුභවතුන් අඩුම තරමින් පරීක්‍ෂා නොකරන්නේ දැයි දෙමාපියෝ තවදුරටත් ප්‍රශ්න කරති.
 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.