කතෝලික සභාව හෙළා දකී

මාදම්පේ ප්‍රදේශයේ දේවගැතිවරයකු යෑයි හඳුන්වාගත් අයෙක්‌ තම යාච්ඤා මධ්‍යස්‌ථානයට පැමිණ දැරියන් දෙදෙනකු දූෂණය කර අනතුරුව තමන් ද වස පානය කොට මියගිය පුවත පසුගිය දිනවල මාධ්‍ය වාර්තා කොට තිබිණි.

මේ පුද්ගලයා කතෝලික පූජා ප්‍රසාදිතුමකු නොවන බවත් මේ රටේ හතු පිපෙන්නා සේ විවිධ තැන්වල බිහිවී ඇති ආගමික කණ්‌ඩායමක දේවගැතිවරයකු යෑයි තමන් විසින්ම හඳුන්වා ගන්නා ලද පුද්ගලයකු බවත් අවධාරණය කරමු. ඔහු විසින් සිදුකර ඇති මේ මහා අපරාධය කතෝලික සභාව ලෙස අපිදු පිළිකුලින් යුතුව හෙළා දකිමු. කුමන ආගමක හෝ මුවාවෙන් තම ආත්මාර්ථකාමී අභිලාෂයන් සපුරා ගන්නට වංචා සහ අපරාධ සිදුකරන පුද්ගලයන්ගෙන් පරෙස්‌සම් වන ලෙස අපි සෑම දෙනාගෙන් ඉල්ලා සිටිමු යෑයි කතෝලික සභාව දන්වා සිටී.

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.