එන්ජීඕ නීතිඥවරයකුගේ පැමිණිල්ලකට 'දිවයින' මාධ්‍යවේදියා පොලිසියට කැ`දවයි

වැලිකඩ බන්ධනාගාරය තුළ ඉකුත් 2012 වසරේ සිදුවූ සිරකරු කැරැල්ලේ දී යුද හමුදාව මිනීමැරුවේ යෑයි හඬ නගන "ගෝ රයිට්‌" නමැති එන්ජීඕ සංවිධානයේ නීතිඥවරයකු බව කියන රංගොඩ ආරච්චිගේ සේනක පෙරේරා නමැත්තකු කරන ලද පැමිණිල්ලකට අනුව "දිවයින" මාධ්‍යවේදී සමන් ගමගේ මහතා පිළිබඳ කොටහේන පොලිසිය විමර්ශනයක්‌ ආරම්භ කර ඇත.

ඒ අනුව ඊයේ (24 දා) පෙරවරුවේ යතුරුපැදියකින් "දිවයින" කාර්යාලයට පැමිණි කොටහේන පොලිසියේ නිලධාරියෙක්‌ අදාළ පැමිණිල්ල පිළිබඳ පවසා හෙට (26 දා) කොටහේන පොලිසියට පැමිණ ප්‍රකාශයක්‌ ලබාදෙන ලෙස ඔහුට දැනුම් දෙනු ලැබීය.

වැලිකඩ සිද්ධිය ගෙන රටේ රණවිරුවන්ට පහර ගැසීමට සැරසීම සම්බන්ධයෙන් සමන් ගමගේ මහතා ඉකුත් පෙබරවාරි පළමුවැනිදා සහ 22 වැනිදා "දිවයින" ඉරිදා සංග්‍රහයේ ලියා පළ කළ ලිපි දෙකක්‌ පදනම් කර ගනිමින් නීතිඥ සේනක පෙරේරා මෙම පැමිණිල්ල ඉදිරිපත් කර තිබේ.

අදාළ "දිවයින" ලිපි මගින් "ගෝ රයිට්‌" එන්ජීඕ සංවිධානය සමග සිටින වැලිකඩ සිද්ධියේ සාක්‍ෂිකරුවන් යෑයි කියන ඉකුත් කාලයේ ත්‍රස්‌තවාදී චෝදනා එල්ල වූවන් ඇතුළු විවිධ පුද්ගලයන්ට ජීවිත තර්ජන එල්ල වී තිබෙන බවට සහ තවත් චෝදනා ගණනාවක්‌ එල්ල කරමින් "දිවයින" මාධ්‍යවේදියාට එරෙහිව නීතිඥ සේනක පෙරේරා මෙම පැමිණිල්ල ගොනුකොට ඇත.

 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.