දින 100 කදී යහපාලන ඇමැති පුතා සමග 40 වතාවක්‌ රට ගිහින්
ආන්ඩුවේ වියදම කෝටියකට ආසන්නයි


නිලන්ත මදුරාවල

ආණ්‌ඩුවේ දින සියයක කාලය ඇතුළත ඇමැතිවරයෙක්‌ සිය පුත්‍රයා ද සමගින් හතළිස්‌ වාරයක්‌ විදේශ සංචාරයන්හි ගොස්‌ ඇති අතර ඒ වෙනුවෙන් අදාළ අමාත්‍යාංශය රුපියල් කෝටියකට ආසන්න මුදලක්‌ වැය කර ඇත.

පසුගිය ආණ්‌ඩුවෙන් ඉවත්ව ජනාධිපති අපේක්‍ෂක මෛත්‍රීපාල සිරිසේන මහතාට සහාය පළ කිරීම සඳහා යෑයි කියමින් වත්මන් ආණ්‌ඩුවට එක්‌වූ මෙම ඇමැතිවරයාගේ පුත්‍රයා ද පලාත් සභා මන්ත්‍රීවරයෙකි. යුරෝපා හා ආසියානු රටවල් කිහිපයකටම ගොස්‌ ඇති මෙම ඇමැති පුත්‍ර දෙපළ ඉදිරියටත් තවත් සංචාර කිහිපයක්‌ම සැලසුම් කර ඇතැයි එම අමාත්‍යාංශය ආරංචි මාර්ග අනාවරණය කළේය.

ජනාධිපති මෛත්‍රීපාල සිරිසේන මහතා විදේශ සංචාරයන්හි නියෑළීම සඳහා සාමාන්‍ය පංතියේ ආසන වෙන්කර ගන්නා නමුත් මෙම දෙපළ ඇතැම් අවස්‌ථාවන්හි ව්‍යාපාරික පංතියේ ආසන වෙන් කර ගෙන සුඛෝපභෝගී ලෙස ගමන් කිරීම ද විශේෂත්වයකි.

 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.