බැඳුම්කර මගඩියෙන් දැන් පාඩුව රු. කෝටි 7211 යි

ශ්‍යාම් නුවන් ගනේවත්ත

රට තුළ ඉමහත් ආන්දොaලනයට තුඩුදුන් ශ්‍රී ලංකා මහ බැංකුවේ තිස්‌ අවුරුදු භාණ්‌ඩාගාර බැඳුම්කර නිකුතුව නිසා මේ වන විට සිදුව ඇති පාඩුව රු. කෝටි 7211 ක්‌ පමණ දක්‌වා ඉහළ ගොස්‌ ඇතැයි ඇස්‌තමේන්තු කර තිබේ.

පසුගිය පෙබරවාරි 27 වැනි දින මහ බැංකුව විසින් සිදු කළ මෙම බැඳුම්කර නිකුතුවේදී රු. බිලියන 10 ක්‌ (රු. කෝටි 1000 ක්‌) දක්‌වා අගය ඉක්‌මවා ලංසු පිළිගැනීමෙන් සිදු වූ පොලී අනුපාත ඉහළ යැම නිසා රජයට මේ පාඩුව (පොලී වියදමේ ඉහළ යැම) සිදුව ඇතැයි මූල්‍ය වෙළෙඳපොළ නියෝජිතයෝ පවසති.

පෙබරවාරි 27 වැනි දින සිදු කළ භාණ්‌ඩාගාර බැඳුම්කර නිකුතුවෙන් පසු සිදු වූ පොලී අනුපාත ඉහළ යැම නිසා ඉන් පසු පැවැත් වූ සෑම භාණ්‌ඩාගාර බිල්පත් හා භාණ්‌ඩාගාර බැඳුම්කර නිකුතුවකදීම පොලී අනුපාත ඉහළ යැමට ඇති වූ පීඩනය හමුවේ පොලී වියදමේ වැඩිවීමක්‌ සිදුවූ බව ද ඔවුහු පෙන්වා දෙති.

මේ බැඳුම්කර නිකුතුව තුළින් සිදුව ඇති පාඩුව නිසා මෙය ලංකා ඉතිහාසයේ පමණක්‌ නොව දකුණු ආසියාවේම සිදුවූ විශාලතම මූල්‍ය වංචාව බවට ද විපක්‍ෂයේ හිටපු පාර්ලිමේන්තු මන්ත්‍රීවරු චෝදනා කරති.

 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.