ලොතරැයි ඉතිහාසයේ විශාලතම තෑගි මුදල පිරිනැමේ

ශ්‍යාම් නුවන් ගනේවත්ත

මෙරට ලොතරැයි ඉතිහාසයේ විශාලතම ත්‍යාග මුදල පිරිනැමීම ඊයේ (12 දා) මුදල් ඇමැති රවී කරුණානායක මහතා අතින් මුදල් අමාත්‍යාංශයේදී සිදු කෙරිණි.

ඒ අනුව ජාතික ලොතරැයි මණ්‌ඩලයේ ගොවිසෙත 1230 වාරයේ සුපිරි ත්‍යාගය රු. දහතුන්කෝටි දහතුන් ලක්‍ෂ හැට දහස්‌ එකසිය තිස්‌හයයි ශත හතළිහක (රු.13,1360 136.40) ක මුදල් ත්‍යාගය පදලංගල පදිංචි ඒ. එල්. කේ. කීර්ති කුමාර මහතා වෙත පිරිනමන ලදී.

මෙම ජයග්‍රාහී ලොතරැයිපත අලෙවි කළේ ජාතික ලොතරැයි මණ්‌ඩලයේ ඇඹිලිපිටිය අලෙවි නියෝජිත එච්. ජී. ප්‍රියන්ත මහතාය.

මෙම ත්‍යාග පිරිනැමීමේ අවස්‌ථාවට ජාතික ලොතරැයි මණ්‌ඩලයේ සභාපතිනි ශ්‍යාමිලා පෙරේරා මහත්මිය ද එක්‌ව සිටියාය.
 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.