ගැටලු විසඳන්නැයි අම්පාරේ
ගොවීහු උද්ඝෝෂණය කරති


පී. ජයසිංහ දඩයම්තලාව

අම්පාර දිස්‌ත්‍රික්‌කයේ ගොවීන්ගේ ගැටලුවලට වහා විසඳුම් ලබා දෙන ලෙස රජයට බල කිරීමේ උද්ඝෝෂණයක්‌ ඊයේ (11 දා) උදේ අම්පාර දිසා ලේකම් කාර්යාලය ඉදිරිපිට දී පැවැත් වූහ.

'ජනපතිදුනි ඉඩමේ අයිතිය ලබා දෙන්න', 'ගොයමට දින 50යි', 'පොහොර තාම ලැබී නැත' , 'උක්‌ සඳහා වැඩි කළ රු. 250 ලබා දෙනු', 'පොහොර සහනාධාරය ලබා දෙනු' යනුවෙන් විවිධ සටන් පුවරු ප්‍රදර්ශණය කරමින් මෙම උද්ඝෝෂණය පැය 02 කට වැඩි කාලයක්‌ අම්පාර දිසාපති කාර්යාලයට ඇතුළු වන ප්‍රධාන ගේට්‌ටුව හරස්‌ කරමින් උද්ඝෝෂණයක්‌ පැවැත්වුහ.

මේ පිළිබද සාකච්ඡා කිරීම සඳහා විශේaෂ පිරිසක්‌ අම්පාර දිසාපති තුසිත පී. වනිගසිංහ මහතා විසින් කාර්යාලයට කැදවුහ.

මෙහිදී අදහස්‌ දක්‌වමින් ගොවි නියෝජිත පිරිසක්‌ මෙසේ සඳහන් කළහ.

මහත්තයෝ පළමුව අපේ බඩගින්න ගැන බැලිය යුතු වනවා දෙවනුව ඉඩම් ප්‍රශ්න ගැන කතා කළ යුතුයි. සහනාධාර පොහොර අපට ලැබෙන්නේ නැහැ. උක්‌ සඳහා වැඩි කළ රුපියල් 250 ක මුදල මෙකෙත් ලැබුණේ නැහැ. මේ ගැන ඔබතුමා අවශ්‍ය කටයුතු කර දෙන්න යෑයි ඉල්ලා සිටියහ.

පොහොර සහනාධාර ලබා දීම රජයේ වැඩ සටහනකි. මට මේ ගැන තීරණයක්‌ ලබා දෙන්න අමාරුයි . මේ පිළිබඳ අදාළ බලධාරින් සමග සාකච්ඡා කරනවා. පැල්වත්ත සීනි සමාගමට ලබාදුන් සීනිවලට මෙතෙක්‌ මුදල් ලැබුණේ නැහැ. ඒ මුදල් ලැබුන වහාම ඔබ සැමගේ මුදල් ගෙවීමට කටයුතු කරනවා යෑයි පැවසීමෙන් පසුව උද්ඝෝෂනයට පැමිණි ගොවීහු සාමකාමීව පිටවී ගියහ.

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.