ශ්‍රී ලංකා හමුදාවට චෝදනා කරන්න
සිවාජිලිංගම් සමඟ ටීඑන්ඒ 3 ක්‌ ජිනීවා යති


කීර්ති වර්ණකුලසූරිය

ශ්‍රී ලංකා හමුදාවට එරෙහිව යුද අපරාධ චෝදනා එල්ල කිරීම සඳහා ප්‍රභාකරන්ගේ මස්‌සිනා වූ එම්. කේ. සිවාජිලිංගම් ඊයේ (13 දා) ජිනීවා මානව හිමිකම් කවුන්සිලය වෙත පැමිණ ඇත.

ඔහු සමඟ ද්‍රවිඩ සන්ධාන මන්ත්‍රීවරුන් තිදෙනකුද ජිනීවා නුවරට පැමිණ තිබේ.

සිවාජිලිංගම්ට සමගාමීව කොටි හිතවාදි සංවිධාන 6 ක්‌ ජිනීවා මානව හිමිකම් කවුන්සිලයට පැමිණ ඇති අතර ඔවුන් ඊයේ දහවල් මානව හිමිකම් කවුන්සිලයේ 22 වැනි ශාලාවේදී හිටපු හමුදාපති ජගත් ජයසූරිය යුද අපරාධ සිදුකළ බව කියමින් සමාන්තර රැස්‌වීමක්‌ පවත්වා ඇත.

ජිනීවා මානව හිමිකම් සමුළුව සැප්තැම්බර් 11 දා ආරම්භ වූ අතර 29 දා තෙක්‌ පැවැත්වේ.

මෙවර කොටි හිතවාදී සංවිධාන මානව හිමිකම් සමුළුව අමතන අතර ශ්‍රී ලංකා හමුදාවට යුද අපරාධ සිදුකළ බව කියමින් ඒ ගැන විමර්ශනය කරන ලෙස ඉල්ලා සිටින බවට වූ යෝජනාව යටතේ කරුණු ඉදිරිපත් කරන බව ප්‍රකාශ කර ඇත.

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.