The Island The Island Nawaliya Vidusara e-Paper Classifiedsරාහු කාලය

Lolc mCash 365x90 S

UPali

පර්පෙචුවල් ට්‍රෙෂරීස්‌ සමාගමේ ජ්‍යෙෂ්ඨ ගැනුම්කරු කෞෂිත රත්නවීර

සරත් ධර්මසේන, ශ්‍යාම් නුවන් ගනේවත්ත

dealer1

කසුන් පලිසේනට මා චෙක්‌පත් මාරු කර ලබාදුන් මිලියන ගණන් මුදල් වැය කළ හැටි තමා දන්නේ නැතැයි පර්පෙචුවල් ට්‍රෙෂරීස්‌ සමාගමේ ජ්‍යෙෂ්ඨ ගැනුම්කරු කෞෂිත රත්නවීර මහතා ඊයේ (13 දා) ජනාධිපති බැඳුම්කර කොමිසම හමුවේ සාක්‌කි දෙමින් කීවේය.
 
 එය විමසීම තමාට අයත් කාර්යයක්‌ නොවන බව සැලකූ නිසා ඒ ගැන තමා පලිසේන මහතාගෙන් විමසීමක්‌ නොකළ බව ද රත්නවීර මහතා කොමිසම හමුමේ ඇසූ ප්‍රශ්නවලට පිළිතුරු දෙමින් කීවේය.
 
 නීතිපති දෙපාර්තමේන්තුවේ ජ්‍යෙෂ්ඨ රජයේ අධිනීතිඥ ආචාර්ය අවන්ති පෙරේරා මහත්මියගේ මෙහෙයවීම යටතේ සාක්‍ෂි දෙමින් රත්නවීර මහතා මෙසේ ද කීය.
 
 පර්පෙචුවල් ට්‍රෙෂරිස්‌ සමාගමේ සේවයට සම්බන්ධ වී මේ වන විට වසර 03 යි.
 
 පර්පෙචුවල් ට්‍රෙෂරිස්‌ සමාගමට සම්බන්ධ තවත් සමාගම් තුනක්‌ තියෙනවා. පර්පෙචුවල් කැපිටල්, පරපෙචුවල් ඇසට්‌ස්‌ සහ ඩබ්ලිව්. එම්. මැන්ඩිස්‌ වශයෙනි.
 
 ජ්‍යෙෂ්ඨ රජයේ අධිනීතිඥ - (මේ අවස්‌ථාවේදී චෙක්‌පත් 02 ක්‌ සාක්‍ෂිකරුට පෙන්වයි.)
 
 ප්‍රශ්නය - මේ චෙක්‌පත් දෙක මාරු කරල තියෙන්නෙ ඔබ. ඔබේ අත්සන චෙක්‌පත්වල තියෙනවා. ඒක පිළිගන්නවා.
 
 සාක්‍ෂිකරු - ඔව්
 
 ප්‍රශ්නය - මේ චෙක්‌පත් දෙකම ගිණුමකට දමන්නේ නැතිව මුදල් කළ හැකි (කෑෂ්) චෙක්‌පත්
 
 සාක්‍ෂිකරු - ඔව්.
 
 ප්‍රශ්නය - මේ චෙක්‌පත් දෙක ඔබට ලැබිලා තියෙන්නෙ ඩබ්ලිව්. එම්. මැන්ඩිස්‌ සමාගමට අයත් බැංකු ගිණුමෙන්.
 
 සාක්‍ෂිකරු - ඔව්
 
 ප්‍රශ්නය - ඒ සමාගමට කළ දැනුම්දීමකට අනුවයි චෙක්‌පත් ලියාගෙන තිබුණෙ?
 
 සාක්‍ෂිකරු - ඔව්
 
 ප්‍රශ්නය - ඔබ ගිහින් චෙක්‌පත් දෙක ලබාගෙන ඒවා මුදල් කරගෙන ආවා.
 
 සාක්‍ෂිකරු - ඔව්
 
 ප්‍රශ්නය - ඒ චෙක්‌පත් දෙකම අත්සන් කරල තියෙන්නෙ අර්ජුන් ඇලෝසියස්‌ සහ සුරේන් මුතුරාජා යන දෙදෙනා ඩබ්ලිව්. එම්. මෙන්ඩිස්‌ සමාගම වෙනුවෙන්.
 
 සාක්‍ෂිකරු - ඔව්
 
 ප්‍රශ්නය - ඔබට අමතරව පර්පෙචුවල් සමාගමේ තවත් නිලධාරීන් දෙදෙනෙක්‌ ද චෙක්‌පත් මාරු කිරීමේ කටයුතුවලට යොදවා තියෙනවා?
 
 සාක්‍ෂිකරු - ඔව්. ඔවුන් දෙන්නත් චෙක්‌පත් මාරු කරලා මුදල් ගෙනත් දුන්නා. මම ඒවා අරන් ගිහින් කසුන් පලිසේන මහතාගේ කාමරයේ පුටුවක්‌ මත තියෙනවා.
 
 විනිසුරු ජයවර්ධන මහතා - ඇයි මුදල් ඔහුගේ අතට දෙන්නෙ නැත්තේ?
 
 සාක්‍ෂිකරු - ඇතැම් අවස්‌ථාවලදී අතටත් දෙනවා. අවස්‌ථාවේ හැටියට ගනුදෙනු උපදෙස්‌ අනුවයි එය සිදුවන්නේ.
 
 විනිසුරු ජයවර්ධන මහතා - කසුන් පලිසේන මහතාගේ කාමරයේ අල්මාරියක්‌ නැද්ද? මේ පරිහරණය වෙන්නෙ විශාල මුදල් කන්දරාවක්‌ ආරක්‍ෂාවටත් හොඳයි නේද අල්මාරියක මුදල් දමල වැසුවා නම්?
 
 සාක්‍ෂිකරු - ස්‌වාමීනි, දුන් උපදෙස්‌ අනුව එසේ කළා.
 
 විනිසුරු ජයවර්ධන මහතා - චෙක්‌පත් මගින් ආපසු ලැබුණේ පර්පෙචුවල් ට්‍රෙෂරිස්‌ සමාගම විසින් එම අනුබද්ධ සමාගම්වලට ගෙවා තිබූ මුදල්ම නේද?
 
 සාක්‍ෂිකරු - ඔව්
 
 විනිසුරු ජයවර්ධන මහතා - ඔබ දන්නා හැටියට සෑහෙන කාලයක්‌ තිස්‌සේ මේ ගනුදෙනු ඒ ආකාරයටම සිදුවුණා. විශාල මුදලක්‌ එලෙස සංසරණය වුණා. ඔය වැඩේ හැමදාම සිදුවුණාද?
 
 සාක්‍ෂිකරු - විටින් විට සිදුවුණා.
 
 විනිසුරු ජයවර්ධන - චෙක්‌පත් මාරු කරල කසුන් පලිසේනට ගෙනත් දුන් මිලියන ගණන් මුදල් ළඟ තියාගෙන මොනවද කරන්නේ?
 
 සාක්‍ෂිකරු - ඊට පසුව ඒ මුදල්වලින් ඔහු කරන ගනුදෙනු ගැන මම දන්නේ නැහැ.
 
 විනිසුරු ජයවර්ධන - ඒ ගැන දැනගැනීමට ඔබ විමසිලිමත් වූයේ නැද්ද? ඔහුගෙන් ඇසුවෙවත් නැද්ද? කාට හෝ ගෙවීම් කරන්න ඒ මුදල් යොදාගන්නවා ඇතැයි ඔබට අදහසක්‌වත් ඇතිවුණේ නැද්ද?
 
 සාක්‍ෂිකරු - ස්‌වාමීනි ඒ ගැන සොයා බැලුවේ නැහැ. එය මට අයිති රාජකාරියක්‌ හැටියට සැලකුවේ නැහැ.
 
 විනිසුරු ජයවර්ධන මහතා - ඒ සල්ලි ඔබ දන්න කාටවත් දුන්නද?
 
 සාක්‍ෂිකරු - මම දන්නෙ නැහැ.
 
 ජ්‍යෙෂ්ඨ රජයේ අධිනීතිඥවරිය - චෙත්පතක්‌ පෙන්වමින් මේ චෙක්‌පත් වම් පැත්තෙ අත්සන් කරල තියෙන්නෙ අර්ජුන් ඇලෝසියස්‌. දකුණු පැත්තේ ඔහුගේ පියා ජෙµaරි ඇලෝසියස්‌.
 
 සාක්‍ෂිකරු - ඔව්
 
 ප්‍රශ්නය - (තවත් චෙක්‌පතක්‌ පෙන්වමින්) මෙහි අත්සන් කරල තියෙන්නේ අර්ජුන් ඇලෝසියස්‌ සහ මූතුරාජා. ඒ. ඩබ්ලිව්. එම්. මැන්ඩිස්‌ සමාගමේ අධ්‍යක්‍ෂවරු දෙන්නා.
 
 සාක්‍ෂිකරු - ඔව්
 
 ප්‍රශ්නය - මේ චෙක්‌පත බලන්න. මෙහි පර්පෙචුවල් ට්‍රෙෂරිස්‌ සමාගමේ චෙක්‌පතක්‌. මේකට අත්සන් කරලා තියෙන්නේ අර්ජුන් ඇලෝසියස්‌ මහතා පමණයි. පර්පෙචුවල් ට්‍රෙෂරිස්‌ සමාගම සම්පූර්ණයෙන්ම පාලනය කළේ අර්ජුන් ඇලෝසියස්‌ මහතායි.
 
 සාක්‍ෂිකරු - ඔව්.
 
 අනතුරුව පර්පෙචුවල් ට්‍රෙෂරිස්‌ සමාගම වෙනුවෙන් පෙනී සිටි අධිනීතිඥ අරුල්ප්‍රගාශම් මහතාගේ ප්‍රශ්න කීපයකට පිළිතුරු දුන්නේය. තමා කොමිසම හමුවේ ඉදිරිපත් කළේ පර්පෙචුවල් ට්‍රෙෂරිස්‌ සමාගම හා ඊට අනුබද්ධ සමාගම් අතර සිදු වූ ගනුදෙනුවලට අදාළ චෙක්‌පත් බවත් ඒ ගනුදෙනු සිදු කළේ සමාගමේ උසස්‌ නිලධාරීන් වන නුවන් සල්ගාදු සහ කසුන් පලිසේන යන මහත්වරු බවත් තමා ඒ ගැන වැඩි විස්‌තර දන්නේ නැති බවත් සාක්‍ෂිකරු කීය.
 
 ජනාධිපති නීතිඥ කාලිංග ඉන්ද්‍රතිස්‌ස මහතා සහ ඩබ්ලිව්. එම්. මෙන්ඩිස්‌ සමාගම සහ අර්ජුන් ඇලෝසියස්‌ මහතා වෙනුවෙන් පෙනී සිටි ජනාධිපති නීතිඥ අනූජ පේමරත්න මහතා ද පර්පෙචුවල් ට්‍රෙෂරීස්‌ සමාගමේ ප්‍රධාන ගනුදෙනුකරු නුවන් සල්ගාදු මහතාගෙන් ප්‍රශ්න කළේය.
 
 සඳුදා (16 වැනිදා) ශ්‍රී ලංකා මහ බැංකුවේ මුදල් මණ්‌ඩලයේ සාමාජික නිහාල් ෙµdන්සේකා මහතා සාක්‍ෂි දීම සඳහා ජනාධිපති බැඳුම්කර කොමිසම හමුවට කැඳවා ඇති බව කොමිසමේ සභාපති ශ්‍රේෂ්ඨාධිකරණ විනිසුරු කේ. ටී. චිත්‍රසිරි මහතා කොමිසම හමුවේ කීවේය.
 
 
 
 
 
 

 

ප්‍රාදේශීය පුවත්

sikuru

සිනමා කලා

dil250

නවලිය

nava250

දියග

gaga250

මීවිත

rana250

More Articles