අගරදගුරු ඇතුළු රදගුරුවරු රැසක්‌ ඊයේ මැති සබයට

කුෂාන් සුබසිංහ - අජිත් අලහකෝන්

සොළොස්‌ වැනි බෙනඩික්‌ පාප් වහන්සේගේ සේවය අගයමින් ඊයේ (20දා) පාර්ලිමේන්තුවට ගෙන ආ යෝජනාව සාකච්ඡාවට ගත් අවස්‌ථාව දැකබලා ගැනීම සඳහා කොළඹ අගරදගුරු මැල්කම් කාදිනල් රංජිත් හිමිපාණන් ඇතුළු රදගුරුවරු පිරිසක්‌ පැමිණ සිටියහ.

කථානායක ගැලරියේ සිට අගරදගුරු මැල්කම් කාදිනල් රංජිත් හිමිපාණන්, රදගුරුවරු සහ පූජා ප්‍රසාදීන් වහන්සේලාද ඊට අමතරව බෞද්ධ භික්‍ෂූන් වහන්සේලාද මෙම සාකච්ඡාව දැකබලා ගත්හ.
ඉස්‌ලාම් සහ හින්දු පූජකවරු මෙන්ම රාජ්‍ය නිලධාරීහු ගැලරියේ සිට පාප් වහන්සේ පිළිබඳ ඇගයීමේ යෝජනාව සාකච්ඡා කරන අයුරු දැක බලා ගත්හ. ශ්‍රී ලංකාවේ වතිකානු තානාපති තනතුර දරන රදගුරු වරයාද මෙම අවස්‌ථාවේ ගැලරියේ සිටියේය.

ඇමැති මර්වින් සිල්වා මහතා කථානායක ගැලරියට පැමිණ මැල්කම් රංජිත් කාදිනල් හිමි ඇතුළු රදගුරුවරුන් වෙත තම ආචාරය පුද කළේය.
 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.