මන්නාරම් රදගුරු ප්‍රමුඛ පූජකවරුන් 132 කගෙන් නවි පිල්ලේට සංදේශයක්‌

කීර්ති වර්ණකුලසූරිය

ජිනීවා මානව හිමිකම් සමුළුවේදී ශ්‍රී ලංකාවට එරෙහිව දැඩි ක්‍රියාකාරි පියවරක්‌ ගන්නැයි මන්නාරම් රදගුරු රායප්පු ජෝශප් ප්‍රමුඛ පූජකවරුන් 132 දෙනකු නවි පිල්ලේ වෙත සංදේශයන් යවමින් ඉල්ලා ඇත.

ද්‍රවිඩ ජනතාව දසදහස්‌ ගණනක්‌ අතුරුදන් හෝ ඝාතනයට ලක්‌වී ඇති අතර ද්‍රවිඩයන්ගේ අනන්‍යතාව විනාශවන බවත් ද්‍රවිඩ ජනතාවට ස්‌වයං පාලනය ලබාදිය යුතු බවත් එම සංදේශයේ දක්‌වා තිබේ.

එසේම ශ්‍රී ලංකාව විසින් සිදුකළ මානව හිමිකම් උල්ලංඝනය කිරීම් ගැන විමර්ශනය කිරීමට විශේෂ නියෝජිතයකු පත්කරන ලෙසත් යුද්ධයේ දී සිදුවූ මානුෂීය නීතිය උල්ලංඝනය කිරීම ගැන ජාත්‍යන්තර කොමිසමක්‌ පත්කරන ලෙසත් ඉන් ඉල්ලා ඇත. මේ හැර නවි පිල්ලේගේ වාර්තාව තමන් පිළිගන්නා බවද එම පිරිස සිය සංදේශයේ දක්‌වා ඇත.
 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.