බ්‍රිතාන්‍යයේ හාර්ලෝ නගරයේ මුස්‌ලිම්
ජනතාවට සිදුවන හිරිහැර වැඩිවේ


බ්‍රිතාන්‍යයේ හාර්ලෝහි මුස්‌ලිම් දේවස්‌ථානයකට කඩාකප්පල්කාරීන් පිරිසක්‌ ගිනිතබා ඇත.

මෙය කනගාටුදායක සිද්ධියක්‌ යෑයි හාර්ලෝ ඉස්‌ලාම් මධ්‍යස්‌ථානයේ උප සභාපති සියා රහ්මන් පළ කළේය.

මුස්‌ලිම් දේවස්‌ථානයට සුළු හානියක්‌ සිදුවී ඇතිබව ද ප්‍රධාන පොලිස්‌ පරීක්‍ෂක එච්. වේල්ස්‌ පවසා ඇත. මෙහිදී මුස්‌ලිම් ප්‍රජාව ක්‍රියා කළ ආකාරය ගැන අපි සතුටට පත්වෙනවා යෑයි හෙතෙම තවදුරටත් කියා සිටියේය.

මෙයට පෙරද හාර්ලෝහිදී මුස්‌ලිම් පවුලක්‌ මරා දැමීමට උත්සාහ ගත් 19 හැවිරිදි තරුණයකු අත්අඩංගුවට ගෙන තිබිණි.
 

 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.