උතුරු නැගෙනහිර පළාත්වල විහාරස්‌ථාන
සංවර්ධනයට වැඩ පිළිවෙළක්‌ ක්‍රියාත්මක කළ යුතුයි
ධම්මදීප සභාව තීරණය කරයි

ප්‍රභාත් විතාන


උතුරු නැගෙනහිර පළාත්වල අඩු පහසුකම් සහිත විහාරස්‌ථාන සංවර්ධනය කිරීමේ වැඩ පිළිවෙළක්‌ ක්‍රියාත්මක කළ යුතු බව ධම්මදීප සභාවේ නිර්දේශන හා අධීක්‍ෂණ කටයුතු පිළිබඳ ගිහි පැවිදි විද්වත් මණ්‌ඩලය විසින් අවධානය යොමු කර තිබේ.

සිංහල ජාතියේත් සම්බුද්ධ ශාසනයේත් චිරස්‌ථිතිය සඳහා ෙත්‍රෙනිකායික මහානායක හිමිපාණන් වහන්සේලාගේ අනුශාසකත්වයෙන් හා ශ්‍රී දළදා මාළිගාවේ දියවඩන නිළමේතුමන්ගේ මැදිහත්වීමෙන් පිහිටුවා ගන්නා ලද ධම්මදීප සභාවේ නිර්දේශන හා අධීක්‍ෂණ කටයුතු පිළිබඳ ගිහි පැවිදි විද්වත් මණ්‌ඩලය විසින් පෙරේදා (27 වැනිදා) ශ්‍රී දළදා මාළිගාවේදී රැස්‌වූ අවස්‌ථාවේ මෙම තීරණය ගන්නා ලදී.

එහිදී ආගමික සහජීවනය සුරක්‍ෂිත කිරීමේ අරමුණින් හින්දු පූජකතුමන්ලා සහ ඉස්‌ලාම් උලේමාවරුන් සමග සුහද සාකච්ඡාවක්‌ පැවැත්වීම, නිර්දේශනහා අධීක්‍ෂණ මණ්‌ඩලය සඳහා ෙත්‍රෙනිකායික මහා සංඝයා වහන්සේලාට අමතරව සමාජයේ විවිධ ක්‍ෂේත්‍රයන් නියෝජනය වන පරිදි විද්වත් ගිහි පිරිස්‌ ඒකරාශි කර ගැනීම හා සිංහල ජාතියටත්, බෞද්ධාගමටත් දේශීයව හා විදේශීයව ඇතිවන විවිධාකාරයේ ප්‍රශ්න හා ගැටලුවලට වැඩපිළිවෙළසක්‌ සකස්‌ කිරීම යන කාරණා කෙරෙහිද විශේෂ අවධානය යොමු කරන ලදී.
 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.