'බොරෝබුදුර් වනසනවා' මුස්‌ලිම් සංවිධානය අනතුරු අඟවයි

චතුර පමුණුව

ලොව ප්‍රමුඛතම බෞද්ධ විහාරයක්‌ වන ඉන්දුනීසියාවේ පිහිටි බොරෝබුදුර් විහාරය වනසන බවට මුස්‌ලිම් අන්තවාදී අයි. එස්‌. අයි. එස්‌. සංවිධානය ප්‍රකාශ කර ඇත.

මෙම තර්ජනය කර ඇත්තේ ෙෆ්ස්‌බුක්‌ වෙබ් අඩවිය හරහාය.

දෙවියන්ගේ කැමැත්ත අනුව මෙම විහාරය විනාශ කරන බව එම වෙබ් අඩවියේ අනතුරු අඟවා ඇත.

මේ තර්ජනය නිසා මධ්‍යම ජාවා හි පොලිස්‌ දෙපාර්තමේන්තුව බොරෝ බුදුර් විහාරස්‌ථානයේ ආරක්‍ෂාව තර කොට ඇත.

එමෙන්ම හමුදා ආරක්‍ෂාව ද යොදවන බව එරට හමුදා ප්‍රකාශකයා සඳහන් කර තිබිණි. ලොව විශාලතම බෞද්ධ විහාරය ලෙස සලකන මෙය 9 වැනි සියවසේදී ඉදිකරනු ලැබිණි.

1985 දී මුස්‌ලිම් අන්තවාදීහු මෙම විහාරයට බෝම්බ ප්‍රහාර එල්ල කර ස්‌ථූප අටක්‌ විනාශ කළහ.

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.