එක්‌නැලිගොඩ සිද්ධියථ "ඔපරේෂන් ඩබල් එඡ්"ගැන
යුද හමුදාව රටට කියයි

සමන් ගමගේ

ප්‍රගීත් එක්‌නැලිගොඩ සිද්ධිය සම්බන්ධව හමුදාව පාර්ශ්වයෙන් කියන්නට ඇති දේ පිළිබඳ ඉදිරි සතියේදී රටට අනාවරණය කිරීමට යුද හමුදාව තීරණය කර තිබේ. දැනට මේ සම්බන්ධයෙන් සිදු කරන රහස්‌ පොලිස්‌ විමර්ශන සඳහා සහාය දක්‌වන අතර එම පරීක්‍ෂණවල තත්ත්වය අනුව ඉදිරියේදී මෙම අනාවරණය කිරීමට තිරීණය කර තිබෙන බව උසස්‌ හමුදා නිලධාරියෙක්‌ "දිවයින" පැවසීය.

යුද්ධය පැවති කාලයේ යුද හමුදා සන්නද්ධ බුද්ධි අංශය මගින් ව්‍යාජ කොටි ඔත්තු සේවයක්‌ බිහි කර ක්‍රියාත්මක කරනු ලැබූ "ඔපරේෂන් ඩබල් එඡ්" මෙහෙයුමට අනුව ප්‍රගීත් එක්‌නැලිගොඩ එල්ටීටීඊය සමඟ සමීප සබඳතා පැවත්වූ බවට තහවුරු වූ සාධක යුද හමුදාව සතුව තිබෙන බවද එම නිලධාරියා සඳහන් කළේය.

කාලයක සිට එල්ටීටීඊ ටොෂී බුද්ධි සේවයේ ප්‍රබලයකුව සිට පසුව හමුදාවට එක්‌වී කටයුතු කළ තවේන්ද්‍රන් නමැති සාමාජිකයා කොටි බුද්ධි අංශයේ සිටියදී එක්‌නැලිගොඩව මෙහෙයවා ඇතැයිද හෙතෙම වැඩිදුරටත් කියා සිටියේය.

යුද හමුදාව ව්‍යාජ කොටි බුද්ධි අංශයක්‌ අරඹා ක්‍රියාත්මක කළ "ඔපරේෂන් ඩබල් ඒඡ්" මෙහෙයුමේදී මෙම තවේන්ද්‍රන් නමැත්තා එහි ක්‍රියාකාරි සමාජිකයකුව සිටිමින් හමුදාවේ සහායට කටයුතු කළේය.

රහස්‌ පොලිසිය සිදු කරන විමර්ශනයට අනුව මෙම තවේන්ද්‍රන් නමැති හිටපු කොටි සාමාජිකයා ඇතුළු යුද හමුදා සන්නද්ධ බුද්ධි අංශයේ රාජකාරි කළ හමුදා නිලධාරින් පස්‌ දෙනකු දැනට අත්අඩංගුවට ගෙන සිටිති.

ලුතිතන් කර්නල්වරුන් දෙදෙනකුද මෙසේ අත්අඩංගුවට ගෙන සිටින අතර "ඔපරේෂන් ඩබල් ඒඡ් මෙහෙයුමේ"දී ඔවුන් දෙදෙනා විසින් සුවිශේෂී කාර්යභාරයක්‌ සිදු කළ බවද ඉහත උසස්‌ හමුදා නිලධාරියා තවදුරටත් කියා සිටියේය.
 

 
Powered By -


සීමාසහිත උපාලි පුවත්පත් සමාගම
අංක 223, බ්ලූමැන්ඩල් පාර, කොළඹ 13, ශ්‍රී ලංකාව.